Aurreko asteburuan aratusteak izan dira herri eta bazter askotan. Laudion ere, garizuman sartu aurretik aratusteak (haragi uztea) izan ditugu festarako eta txantxetarako aitzakia. Aurtengo Laudioko aratusteetan berrikuntza nabarmena izan dugu, azken urteetan ez bezala herriko kultur elkarte batek jaiaren antolaketa bere gain hartu du, Jaiak koordinakundeak hain zuzen. Larunbatean arratsaldeko 19:30ean Lezeagako aldapatik abiatu ziren desfilean parte hartu zuten guztiak. Mozorroen tropela zabaltzeko ardura zanpantzarren esku gelditu zen eta haien atzetik kultur elkarteak, eskoletako umeak, gurasoak, Adama Djembe Kan perkusio taldea, Galtzagorriren hankapaluak, Gesaltza txaranga, Fi ta Fik, Goloka antzerki taldea, jai taldeak eta lagun taldeak.
Desfilearen amaieran, herriko plazan, sari banaketa ekitaldia izan zen eta horren ostean kontzertua Izargi taldearen eskutik. Bihar egun osoan zenbait ekitaldi izango dira, goizean Kirikiño taldearen eskutik eguerditik aurrera jolasak herriko plazan. Arratsaldean Begira antzerki taldearen "disko txikia" emanaldia eta aratusteak agurtzeko, 19:30ean sorgina erretzeko ekitaldia Gaitzerdi Teatroarekin herriko plazan.
Aiaraldea.com komunikazio leihoak eta Jaiak koordinakundeak elkarlanean egindako bideoklipean esaten den moduan Hau ez da Venezia...
Beharrik ere ez!
> LAUDIOKO ARGAZKI GALERIA ikusteko hemen klikatu.
Argazkiak: Koldo Zabala
> AMURRIOKO ARGAZKI GALERIA ikusteko hemen klikatu.
Argazkiak: Alfredo Remirez Marañon