Laudioko alkateak ostalaritzari gutun bat idatzi dio trantsizio prozesuan laguntza eta erantzukizuna eskatzeko

Erabiltzailearen aurpegia
Zubiko Kurajoko terraza bat, aste honetan. / Aiaraldea.eus

Ander Añibarro Laudioko alkateak udalerriko ostalaritza sektoreari gutun bat idatzi dio, COVID-19ren ondorengo normaltasun berrirako trantsizio prozesuan laguntza eta erantzukizuna eskatzeko. Gauden 1. fase honetan, inoiz baino garrantzitsuagoa da jabetzea segurtasun-neurriak muturreraino eramanda bakarrik gaindi daitekeela egoera hori.Laudioko auzotar guztien segurtasuna bermatzeko, Udalak, bere eskumenen barruan, neurri horiek betetzen direla zainduko du, eta, egokitzat jotzen duenean, zehatzeko ahala baliatuko du.

Hau da Ander Añibarrok idatzitako gutuna:

"Ostalari agurgarria:

Gogorarazi nahi dizugu arduratsua izan behar dugula COVID-19ren ondorengo normaltasun berrirako trantsizio-prozesuan. Gauden 1. fase honetan, inoiz baino garrantzitsuagoa da kontziente izatea segurtasun-neurriak muturreraino eramanda soilik gainditu ahal izango dugula egoera hau.

Horregatik, fase honetan kontuan hartu beharreko zenbait alderdi azpimarratu nahi ditugu, pilaketak saihesteko eta indarrean dagoen araudia betetzen dela ziurtatzeko:

• Terrazan baino ezin da kontsumitu. Hori dela eta, ezin da lokalaren barruan kontsumitu, ezta bide publikoan ere, lokaleko mahai eta aulki batean ez bada.

• Terrazak Laudioko Udalaren baimena behar du.

• Terrazako mahaien eta aulkien banaketa bat etorri beharko da Laudioko Udalak baimendutako krokisarekin.

• Uneoro mantendu beharko da mahaien arteko 2 metroko gutxieneko distantzia (aulkien bizkarraldeen artean zenbatuta), eta pertsonen arteko segurtasun-tartea ere errespetatu beharko da.

• Mahai edo mahai multzo bakoitzeko gehieneko okupazioa 10 pertsonakoa izango da.

Gogorarazten dizugu ostalariaren erantzukizuna dela higiene- eta segurtasun-baldintza horiek eta gainerako baldintzak betetzea eta betearaztea. Hori dela eta, eta Laudioko auzotar guztien segurtasunerakoa, Laudioko Udalak, bere eskumenen barruan, neurri horiek betetzen direla zainduko du, eta bere zehatzeko ahalmena baliatuko du egokitzat jotzen denean.

Eskerrik asko laguntzeagatik."

LAGUN AGURGARRIA:

Bisitatzen ari zaren web-gune hau euskararen normalizazioaren alde Aiaraldea Ekintzen Faktoria proiektu berrituak garatzen duen tresnetako bat da.

Euskarazko hedabideak sortu eta eskualdean zabaltzeko gogor lan egiten dugu egunero-egunero langile zein boluntario talde handi batek.

Hedabide herritarra da gurea, eskualdeko herritarren ekarpen ekonomikoari esker bizi dena, jasotzen ditugun diru-laguntzak eta publizitatea ez baitira nahikoa proiektuak aurrera egin dezan.

Herritarra, anitza eta independentea den kazetaritza egiten dugu, eta egiten jarraitu nahi dugu. Baina horretarako, zure ekarpena ere ezinbestekoa zaigu. Hori dela eta, gure edukien hartzaile zaren horri eskatu nahi dizugu Aiaraldea Ekintzen Faktoriako bazkide egiteko, zure sustengua emateko, lanean jarraitu ahal izateko.

Bazkideek onura eta abantaila ugari dituzte gainera, beheko botoian klik eginda topatuko duzu informazio hori guztia.

Faktoria izan, egin zaitez bazkide.

Aiaraldea Hedabideko lantaldea.


Izan bazkide