Laudioko Udaleko Gobernantza Feministako zerbitzuak emakumeen eta gizonen arteko berdintasuna sustatzeko jarduera garatzen duten irabazi-asmorik gabeko erakunde eta elkarteei zuzendutako lehia askeko dirulaguntzak abiarazi ditu.
Eskabideak Udalaren egoitza elektronikoaren bidez aurkeztu ahal izango dira gaurtik, abuztuak 28, eta irailaren 24ra arte. Nobedade gisa, aurten eredu batzuk prestatu dira eskabidearekin batera aurkezteko, tramitea errazteko asmoz.
Aurten, Gobernantza Feministaren arloko deialdiak 28.500 euro bideratuko ditu norgehiagoka araubidean, irabazi-asmorik gabeko erakunde zein elkarteek programak edota jarduerak antolatu, bideratu eta gauzatu ditzaten. Diruz lagundu daitezkeen gastuak materialak, joan-etorriak, difusioa, aditu edo irakasleen kontratazioa eta jarduerarekin zuzenean lotutako bestelako kostuak izango dira.
Aldiz, ez dira ordainduko eskatzaileen dietak, opariak, ordezkaritza-gastuak edo jende guztiarentzat irisgarriak ez diren ekintzak. Parte hartu ahal izango dute Laudion egoitza edo jarduera duten eta berdintasunaren inguruko esperientzia, helburu edo prestakuntza egiaztatzen duten elkarteek.
Eskabideak Udalaren egoitza elektronikoaren bidez izapidetu daitezke. Interesdun guztiek deialdian parte hartzeko behar duten informazio guztia udal webgunean aurki ditzakete eta baita ere Gobernantza Feministako zerbitzuan.