Orozkoko Santa Marina baseliza eta aterpetxea auzolanean konpontzea erabaki zuen udalak duela hilabete batzuk. Josu San Pedro alkateak azaldu zuenez, duela 30 urte bezala egingo dute. "Udal guztiak diru barik gaude, baina posible da proiektu batzuk aurrera eramatea denak batera".
Obrak abian jarri ahal izateko udalak batzarrak antolatu, dirulaguntzak eskatu... eta hainbat lan egingo ditu. Momentuz hurrengo bilera maiatzaren 13an izango da, arratsaldeko 19:30ean, kultur etxean.
Eta bileretaz aparte, dirulaguntzak dauden ala ez jakin arte, udalak diru-kontua jarri du herritarren eskura edonork lagundu ahal izateko.
La Caixa: 2100 4592 68 0100128707 "Santa Marina"
Josu San Pedro, orozkoko alkateak, duela aste batzuk gogoratu zuen bezala, ekimena herritarrek abiatu dute: "Ez dugu jarri nahi udalaren ezkutua, jendea ez da ausartzen pausoa ematera baina herritarrak dira protagonista".
LAGUN AGURGARRIA:
Bisitatzen ari zaren webgune hau euskararen normalizazioaren alde Aiaraldea Ekintzen Faktoria proiektu berrituak garatzen duen tresnetako bat da.
Euskarazko hedabideak sortu eta eskualdean zabaltzeko gogor lan egiten dugu egunero-egunero langile zein boluntario talde handi batek.
Hedabide herritarra da gurea, eskualdeko herritarren ekarpen ekonomikoari esker bizi dena, jasotzen ditugun diru-laguntzak eta publizitatea ez baitira nahikoa proiektuak aurrera egin dezan.
Herritarra, anitza eta independentea den kazetaritza egiten dugu, eta egiten jarraitu nahi dugu. Baina horretarako, zure ekarpena ere ezinbestekoa zaigu. Hori dela eta, gure edukien hartzaile zaren horri eskatu nahi dizugu Aiaraldea Ekintzen Faktoriako bazkide egiteko, zure sustengua emateko, lanean jarraitu ahal izateko.
Bazkideek onura eta abantaila ugari dituzte gainera, beheko botoian klik eginda topatuko duzu informazio hori guztia.
Faktoria izan, egin zaitez bazkide.
Aiaraldea Hedabideko lantaldea.
Izan bazkide
