Ez dakit zu konturatu zinen, ni bai. Eta ziur naiz bat baino gehiago izan ginela handik amorruz atera ginenak. “Una mano a la cabeza, una mano a la cabeza” jaso zenituzten askok. Nik bai eraman nituela eskuak burura. Nola da posible hain modu garbian biolentzia matxista darabilen persona bati horrelako harrera egitea gure herrian?
Emakumeak panpinak bailiran tratatu zenituen; “mis reinas”. Eta gure gorputzak epaitzeko tartea izan zenuen, eszenatokira bakarrik “las mayores de 18 años, y las que están buenorras” igo zitezkeelako. “Ahí viene una rubia”; “la de vestido rosa”.
Egia esan lotsa ematen dit horrelako jai giro bat nire herrian sortu dela pentsatzeak. Baina are lotsa gehiago ematen dit pentsatzeak horrelakoak esan zenituenean, behean txalotzen zegoen jendea nire herrikoa zela jakiteak. Bueno lotsa, edo nazka, edo pena.
Jai giroan denak balio duela ematen du. 'King Africa' da. Ez naiz abestien letran sartzen, baina hain esplizituki horrelako jarrera matxistek berehalako erantzun bat beharko lukete. Hor geunden askoren eraso direlako, eta horrelakoak babesteak gizarte matxista elikatzen jarraitu besterik ez duelako egiten. Oraindik asko dago egiteko atzokoa ikusi eta gero. JAIAK ETA PLAZAK GUREAK ERE BADIRELAKO! JANTZI NAHI DUZUN BEZALA ETA SALATU HORRELAKO ERASO ORO! PORQUE ZU ERE BAZARELAKO EDER, IZAN RUBIA EDO MORENA!
Berak horrela bukatu zuen: “todos podríamos ser mejores cantantes, regulares… pero todos debemos el respeto a nuestro público”. Nik ez dut zure errespetua nahi eta behar, eskerrik asko”. Eta feministok ez zaitugu berriz gure espazioetan nahi. Itxi atea irtetean, mesedez.