aiaraldea.eus

Ibaia biziberritzeko asmoz, auzolana egingo du Udaltalde Nerbioi-Ibaizabalek

Erabiltzailearen aurpegia Markel Iturrizar   Ingurumena

Flora exotiko inbaditzailea kentzeko auzolana deitu dute larunbatean Orozkon. Nerbio-Ibaizabal eskualdetako ibaietako ertzak hobetzeko proiektuaren barruan antolatu du Udaltalde 21 Nerbioi-Ibaizabalek auzolana.

Egitasmoak baditu aurrekariak eta pasa den maiatzaren 4ean Arrankudiagan egin bezala, herritarren parte hartzea eskatuko du ekintzak. Egitasmoa 10 udalerritan eramaten ari da aurrera. Horietatik 4 Aiaraldean: Arakaldo, Arrankudiaga, Orozko eta Urduña.

Larunbatean, Orozkon

Flora exotiko inbaditzailea kentzeko auzolana deitu dute larunbatean Orozkon. Nerbio-Ibaizabal eskualdetako ibaietako ertzak hobetzeko proiektuaren barruan antolatu du Udaltalde 21 Nerbioi-Ibaizabalek auzolana.

Egitasmoak baditu aurrekariak eta pasa den maiatzaren 4ean Arrankudiagan egin bezala, herritarren parte hartzea eskatuko du ekintzak. Egitasmoa 10 udalerritan eramaten ari da aurrera. Horietatik 4 Aiaraldean: Arakaldo, Arrankudiaga, Orozko eta Urduña.

Larunbatean, Orozkon

Aiaraldeko ibai ertzetako landaredia hobetzeko helburuarekin, hitzordua larunbatean 9:30ean Orozkoko Presatxu auzoan izango da (presaren ondoan). Asmo nagusia, inguru honetatik igarotzen den errekaren inguruko landare inbaditzaileak kentzea da. Horien artean daude Cortaderia selloana, Arundo donax, Buddleja davidii, besteak beste. Era honetan, paisaia naturalago bat sortea nahi dute, faunarentzako babeslekuak ugaritzea, bertako beste espezie batzuk berez hazten laguntzea eta ibaiertza babestu eta egonkortzea.

Flora exotiko inbaditzailea kentzeaz gain, inguruaren ezaugarriak eta balio naturalak ezagutuko dituzte. Baita espezie inbaditzaileek sortzen dituzten arriskuez mintzatuko dira ere.

Erantzun

Erantzuteko, izena emanda egon behar duzu. Sartu komunitatera!

»» Alta eman edo pasahitza berreskuratu


Twitter ikonoa Facebook ikonoa