Arrankudiaga-Zolloko jendea jaietan murgilduta dago. Egunak aurrera doaz eta Berakatz egunerako oso gutxi falta da, jaietako azken eguna izango dena. Egun honetan odolosteak jateko ohitura dago, txarribodak egiteko garaia ez izan arren. Aurten ere ohitura zaharra mantendu eta odolosteak gaueko protagonista nagusienetarikoak izango dira, berakatz soparekin batera.
Hori dela eta, aurten ere Gizarte Etxean odolosteak auzolanean egin dituzte. Abuztuaren 17an, goizean goizetik, gazte eta nagusiak, gizon eta emakumeak Gizarte Etxera hurbildu ziren jaki preziatu hau egiteko. Hala ere, lana ez da egun bakarrekoa izan. Aldez aurretik ere, Otsaila inguruan, kipula, porrua eta koipea prestatu zuten eta izozkailuan sartu. Osagai hauei piperbeltza, gatza, perrexila eta txerri odola gehitu zioten masa bat egiteko eta heste barruan sartu zuten gero egosteko.
Honenbestez, dagoeneko odolosteak prest daude eta jendea hauek jateko irrikaz. Hala ere, bihararte itxaron beharko dute irrikaz itxaroten daueden herritarrak.