Uztailaren 15 arte Amurrio Bideanen bidez atzerriko enpresetan eta erakundeetan praktikak egiteko bekak eskatu daitezke. Bekak tituludunak diren eta hogeita hamar urte baino gutxiago duten gazteei zuzenduta daude eta guztira hamar izango dira.
Banatuko diren hamar beken artean Argentinan lan egiteko Ekonomia edota Enpresa lizentziadun bat , Erresuma Batuko enpresa batean egoteko Ingeniari Industrial bat edota ingelesa dakien unibertsitate lizentziadun bat behar da, besteak beste.
Eusko Jaurlaritzak finantzatutako Global Training deitutako beken helburua gazteen nazioz haraindiko mugikortasuna bultzatzea da, gazte horiek beren ikasketak eta lanbide profilarekin lotutako jarduerak egin ditzaten. Horretarako, bekadunek aldez aurretik planifikatutako prestakuntza praktikoko plan bat egingo dute eta hilero 1124,77 euro jasoko dituzte.
Argibide gehiago nahi izanez gero 945 89 17 21 telefonora deitu edo administracion@amurriobidean.org helbidera idatzi daiteke.
LAGUN AGURGARRIA:
Bisitatzen ari zaren webgune hau euskararen normalizazioaren alde Aiaraldea Ekintzen Faktoria proiektu berrituak garatzen duen tresnetako bat da.
Euskarazko hedabideak sortu eta eskualdean zabaltzeko gogor lan egiten dugu egunero-egunero langile zein boluntario talde handi batek.
Hedabide herritarra da gurea, eskualdeko herritarren ekarpen ekonomikoari esker bizi dena, jasotzen ditugun diru-laguntzak eta publizitatea ez baitira nahikoa proiektuak aurrera egin dezan.
Herritarra, anitza eta independentea den kazetaritza egiten dugu, eta egiten jarraitu nahi dugu. Baina horretarako, zure ekarpena ere ezinbestekoa zaigu. Hori dela eta, gure edukien hartzaile zaren horri eskatu nahi dizugu Aiaraldea Ekintzen Faktoriako bazkide egiteko, zure sustengua emateko, lanean jarraitu ahal izateko.
Bazkideek onura eta abantaila ugari dituzte gainera, beheko botoian klik eginda topatuko duzu informazio hori guztia.
Faktoria izan, egin zaitez bazkide.
Aiaraldea Hedabideko lantaldea.
Izan bazkide
