Amurrio Bideanek aurrera eramandako SARE proiektuaren amaierako bilera egingo du gaur 11:00etatik aurrera Refor Amurrio Enpresaldean. Guztira, 9 enpresek parte hartu dute eta helburua azken hauek beren hondakinak murriztea izan da.
Amurrio Bideanekin, Udaleko Lurralde Politikako sailarekin eta Ihobe, Eusko Jaurlaritzaren Ingurumen Jarduketarako Sozietate Publikoarekin batera, herriko 9 enpresek -Aiara premetal, Andamiajes Sendo, Askargan, Dicoestudios, Garobel, Hormigones Alaveses, Inauxa, Kider eta Megatech- Eusko Jaurlaritzako Ekoeraginkortasuna Euskal Enpresen 2010-2014 programaren baitan SARE proiektuan parte hartu dute.
Proiektu honen helburuen artean enpresek sortzen dituzten hondakinak ezagutzea, murrizten jakitea eta jaso, bildu eta egiten den azken gestioraino hauek kudeatzea daude. Gainera, hondakin arriskutsuak enpresa parte hartzaileen artean kudeatzea ere bilatzen da denbora eta dirua murriztuz. Lehenengo elkarren arteko hondakin arriskutsuen bilketa uztailaren 3an egin zen: guztira, 500 kilo bildu zituzten eta garraoibidea dela eta, berotegi efektu gasak %75ean murriztu ziren.
Gaurko bileran proiektua aintzat hartuko da, elkarren arteko bilketa eta ingurumena hobetzeko eman daitezkeen urratsak aipatuz.