Gure iritziak hedabideetan ikusten dugunarekin eta kalean entzuten ditugun zurrumurruekin sortzen baditugu, arabarrak xenofoboak garela esan genezakeen, gobernatzen gaituztenek aurreiritzietan oinarritutako adierazpenak egiten dituztelako. Beharbada insolidarioak gara, egoera kezkagarrian dauden herritarren eskubideak murriztu nahi ditugulako, eta gure egoera abantailatsutik laguntzak zeinek jaso behar dituen eta zeinek ez erabakitzeko eskubidea gurea besterik ez dela pentsatzen dugunez, klasistak garela esango nuke.
Ustelkerietan aritzea gustatzen zaigu, azkar batzuek amarruak egiten badituzte, orduan guztiok guretzako etekinak atera nahi ditugula ondorioztatu daiteke. Eta ergelak, egoera larri hau sortu dutenek lasai dauden bitartean pobreen kontra jotzen dugulako, boteretsuetatik behartsuetatik baino hurbilago gaudela pentsatuz. Baina ez dira gauza guztiak negatiboak, eskuzabalak ere bagara, gure botoari esker instituzioetan daudenak lagunen artean banatzen dute diru publikoa eta normaltzat hartzen dugu. Badakit generalizazioek errealitatean distortsioa eragiten dutela, baina nire ingurua sinpletasunez aztertzen dut beti.