Eztanda egiteko zorian nengoen berria jaso nuenean. Aurtengo Eurovisión jaialdiari boikota egin beharko nion; Ikurriña eta Estatu Islamikoaren bandera lehiaketako zerrenda beltzean agertzen ziren! Bielorrusiako abeslaria biluzik eta otsoz inguratua atera behar omen zen agertokira eta nik galduko nuen. Oso gaizki pasatu nuen momentu horietan nire abertzaletasuna zalantzan jarri nuelako. Erakargarriegia egiten zait Israel, Frantzia, Turkia edo Espainiako ordezkariak entzutea eta uste dut Europar Batasuneko arima oso ondo islatzen duela lehiaketa honek.
Horregatik, ezinezkoa zait ez ikustea. Eusko Jaurlaritzak eta Iñigo Urkulluk berak premiazko zuzenketa eskatu zutenean lasaitu nintzen, eta Espainiar Estatuari jaialditik erretiratzea exijitu ziotenean urdailean nuen bola desagertu zen. Haiei esker larunbatean ez nituen nire printzipioak apurtu behar izan. Europa osoan ospatu zen Ukraniako garaipena, baita bere mugetan pilatzen diren milioika pertsonek ere.
LAGUN AGURGARRIA:
Bisitatzen ari zaren web-gune hau euskararen normalizazioaren alde Aiaraldea Ekintzen Faktoria proiektu berrituak garatzen duen tresnetako bat da.
Euskarazko hedabideak sortu eta eskualdean zabaltzeko gogor lan egiten dugu egunero-egunero langile zein boluntario talde handi batek.
Hedabide herritarra da gurea, eskualdeko herritarren ekarpen ekonomikoari esker bizi dena, jasotzen ditugun diru-laguntzak eta publizitatea ez baitira nahikoa proiektuak aurrera egin dezan.
Herritarra, anitza eta independentea den kazetaritza egiten dugu, eta egiten jarraitu nahi dugu. Baina horretarako, zure ekarpena ere ezinbestekoa zaigu. Hori dela eta, gure edukien hartzaile zaren horri eskatu nahi dizugu Aiaraldea Ekintzen Faktoriako bazkide egiteko, zure sustengua emateko, lanean jarraitu ahal izateko.
Bazkideek onura eta abantaila ugari dituzte gainera, beheko botoian klik eginda topatuko duzu informazio hori guztia.
Faktoria izan, egin zaitez bazkide.
Aiaraldea Hedabideko lantaldea.
Izan bazkide
