Udaleko Berdintasun Sailak Beldur Barik 2012 ikus-entzunezkoen lehiaketan parte hartzeko epea ireki dela jakinarazi du. Lanak errespetuan, berdintasunean, askatasunean eta autonomian, erantzukizun-kidetzan eta indarkeria sexistaren gaitzespen irmoan oinarritutako jokabide eta jarrerak izan beharko dituzte. Programa Eudeleko Berdinsarera berdintasunaren aldeko sarearen ekimena da.
Hamaika jarrera, hamaika aukera! lelopean, programen lanek emakumeen aurkako indarkeria mota guztiak gainditzeko, eta harreman libre, errespetuzko, parekide, dibertso eta ez-sexistak eraikitzeko konpromiso pertsonal eta kolektiboa erakutsi beharko dute.
Bestalde, adierazpide mota oro onartuko da, baina betiere bideo formatuan aurkeztua: film laburra, bideoklipa, lipduba, dantza, errezitatutako poemak edo kameraren aurrean irakurritako gogoetak, bideo-proiektuak, argazkiak edo artelanak erakustea, hiri inguruko performanceak eta esku hartzeak eta abar.
Beldur Barik! Lehiaketa 12 eta 26 urte bitarteko gazteei zuzendutako programa da eta izena emateko epea urriaren 31n amaituko da. Proiektuek gehienez 10 minutu iraungo dute eta jendearen saria beldurbarik webgunean botorik gehien jasotzen duen bideoari emango zaio.
Argibide gehiago: www.beldurbarik.org webgunean