Igandean Al Ghofran ( Gorenaren Barkamena) Meskita berriaren inaugurazioa izan zen eta herritarrek bisitatu ahal izan zuten. Bertan, bisitaldi gidatu bat, islamaren eta meskiten eginkizunei buruzko hitzaldia eta te eta pastelen dastatzea eskaini zuten Amurrioko Islamiar Elkarte Soziokulturaleko kideek.
Bañuetaibar kalean ireki berri duten Meskitaren inaugurazioa igandean egin zuten. 11:00etatik 14:00tara herritarrek instalazioak ezagutzeko aukera izan zuten eta 12:00etan “Fede monoteista, Islamaren praktika eta meskiten eginkizuna” hitzaldia eta tailerra eman zen. 13:30ean Udal agintariek inaugurazio ekitaldia egin zuten.
Al Ghofran Meskita otoitzeko lekua izateaz gain, herriko musulmanak biltzeko eta mundu guztiari zabalduta egongo diren jarduera kulturalak egiteko erabiliko dute. Izan ere, Al Wafaa elkartearen arabera eskualdean mila pertsonatik gora musulmanak dira.
Amurriokoa Aiaraldeko lehenengo meskita da baina Laudioko Udalak bertan beste bat egiteko baimena eman du.
LAGUN AGURGARRIA:
Bisitatzen ari zaren webgune hau euskararen normalizazioaren alde Aiaraldea Ekintzen Faktoria proiektu berrituak garatzen duen tresnetako bat da.
Euskarazko hedabideak sortu eta eskualdean zabaltzeko gogor lan egiten dugu egunero-egunero langile zein boluntario talde handi batek.
Hedabide herritarra da gurea, eskualdeko herritarren ekarpen ekonomikoari esker bizi dena, jasotzen ditugun diru-laguntzak eta publizitatea ez baitira nahikoa proiektuak aurrera egin dezan.
Herritarra, anitza eta independentea den kazetaritza egiten dugu, eta egiten jarraitu nahi dugu. Baina horretarako, zure ekarpena ere ezinbestekoa zaigu. Hori dela eta, gure edukien hartzaile zaren horri eskatu nahi dizugu Aiaraldea Ekintzen Faktoriako bazkide egiteko, zure sustengua emateko, lanean jarraitu ahal izateko.
Bazkideek onura eta abantaila ugari dituzte gainera, beheko botoian klik eginda topatuko duzu informazio hori guztia.
Faktoria izan, egin zaitez bazkide.
Aiaraldea Hedabideko lantaldea.
Izan bazkide
