Antzokiak jarduera askorekin etorriko da urte hasieran. Urtarrilaren 6an VII. BECtekada egingo da Antzokian eta hilaren 8an Goibel, Hansel eta Gretel musikala egongo da. Gainera, Antzokiaren urte hasierako programazioa zinemarekin eta antzerkiarekin beteko da.
Programazioa urtarrilaren 6an hasiko da 20:00etan Andoni Egaña, Sustrai Colina, Aitor Mendiluze, Unai Iturriaga, Amets Arzallus, Jon Maia, Maialen Lujanbio eta Aitor Sarriegi bertsolariek emango duten saioarekin. BECtekada VII. Edizioak 6 euro balioko du eta sarrerak Kultur Etxean salgai egongo dira.
Bestalde, urtarrilaren 8an, Golden Apple Quartet taldeak Goibel, Hansel eta Gretel euskarazko musikala eskainiko du 17:30ean. Grimm anaien Hansel eta Gretel istorioa ezagutzeko aukera bat da eta mundu guztiari zuzenduta dago. Sarrera 4 euro balioko ditu.
Otsailak ere antzerki ezberdinak dakartza. Alde batetik, otsailaren 4ean La Lechuga izeneko ikuskizuna egongo da eta sarrera 12 euro balioko ditu; eta bestetik, otsailaren 11ean Stradivarius musikaz eta humorez egindako ikuskizuna egongo da.
Zinemari dagokionez, urtarrilaren 8an eta 9an, Amanecer I, Crepúsculo sagaren azkenengo pelikula ikusiko da, eta hurrengo asteburuan, urtarrilaren 15ean eta 16an, Un método peligroso eta La gran aventura de Winter el delfín pelikulak egongo dira. Urtarrilaren 29an, gainera, Vicky Bikingoa eta Thorren mailua euskarzako pelikula ikusi ahal izango da.