Azken asteotan EAEko udalerri batzuetan eta besteetan antzeman den iruzur berri bati buruz ohartarazi nahi dute. Teknika hau “crash trapping” deitzen da eta banku sukurtsalen kutxazain automatikoak blokeatzean datza. Inplikatuek metalezko pletina bat jartzen dute billeteen euskarrian eta bezeroak eskatutako dirua barruan blokeatuta geratzen da. Modu honetan, egileek gerora eskuratu dezakete diru hori.
Dirua lapurtzeko teknika itsasgarri berezi baten bidez billeteen euskarrira atxikitako metalezko xafla bat kanpoaldean kokatutako kutxazainetan jartzean datza. Horrela, lapurrek bezeroaren mugimenduak urrutitik kontrolatu ditzake eta, aldi berean, haiei erantzun azkarra eman diezaiekete, esan du Ertzaintzak.
Beste kasu batzuetan, egileek sukurtsala itxita dagoen ordutegian jarduten dute.Eragiketa gauzatu eta kontuan erregistratzen den arren, dirua ez dela ateratzen ikusten duenean, bezeroak alde egin ohi du. Une horretan, lapurrak kutxazainera hurbiltzen dira pletinak, atxikitako billeteekin, ateratzeko asmoz.
Bestalde, dirua atera aurretik, kutxazain automatikoa aztertzeko garrantziaz ohartarazi du Ertzaintzak, “txartela sartzeko zirrikituek, teklatuek, zein billeteen euskarriek ezin dituzte deigarriak diren elementu arrotzik izan”. Edozein anomaliaren aurrean edota dirua barruan geratuz gero, bezeroak ez duela kutxazainetik alde egin behar eta sukurtsala edota polizia deitu behar duela beharrezko egiaztapenak egin ditzaten ohartarazten dute.