“Artzaintza Gorobel Mendilerroan” historikoki izan den ardi latxaren zaintzari eta gaur egungo egoera zein den aztertu dute Salvagoro Elkartearen kideek. Gainera, elkarteak jarduera horri eusteko proposamenak ere egiten dituzte bi urte iraun dituen ikerketa honetan.
Lana ataletan zatituta dago eta bakoitzak elkartearen lan-talde jakin batek egin du. Horrela, lehenengo atalean mendilerroan dauden hondakin arkeologikoei eta paleontologia-aztarnategiei buruzko informazio eguneratua agertzen da; bigarren atalean XX. mendean artzain-jardueraren inguruko informazioa agertzen da, artzain izandakoei eta jarduerari buruzko loturiko pertsonei elkarrizketak eginez bildu dute; hirugarren atalean gainbehera doan mendilerroko artzainen gaur egungo jarduera aztertzen du.
Laugarren atalean abeltzaintzaren eta naturaren arteko harremanean agertzen da, eta azkenik, SalvaGoro elkarteak etorkizunari begira zenbait proposamen luzatzen dituzte azkenengo atalean.
Bestalde, “lana honen helburua artzaintzaren alorrean mendilerroak gorde duen ondare zabal eta baliotsua jendearengana hurbiltzea izan da, baia jarduera kontserbatzearen eta gordetzearen alde egitea ere”, SalvaGoro elkarteak dioenez.