Kantauriko Ur Konfederakundeak eta URA Uraren Euskal Agentziak 56 uholde arrisku potentzial esanguratsuen area definitu dituzte eta horien artean Arrankudiaga, Arakaldo, Laudio eta Amurrio daude.
Nerbioi ibaiak behin baino gehiagotan ekarri ditu uholdeak Aiaraldera eta Ekialdeko Kantauri Mugape Hidrografikoko Uholde Arriskuaren Ebaluaketak etorkizunean gehiago izateko arriskua dagoela esaten du. Horren ondorioz, uholde arriskua kudeatzeko planak garatuko dira, helburua lur erabilpen berri seguruak bermatzea eta gaurko arriskua murriztu eta superfizietako ur masen kondizio morfologikoan hobekuntza hobetzea izango delarik.
Amurrion egon ziren azkenekoak 1988. urtean izan ziren eta Laudion, aldiz, 1983. urtean. Azken urte honetan jasandako uholdeek hainbat pertsonen bizia aurretik eraman zituzten eta galera ekonomikoak handiak izan ziren. Laudion bost hildako egon ziren eta urak bi metroko altuera hartu zituen herriko hainbat lekuetan.
URA-ren ustez, “ikuspuntu tradizionala uholdeek sortarazitako arazoa kudeatzeko azpiegitura defentsiboak sorrarazteari ekitean datza, baina neurri hauek, ingurumenari kalte egiteaz aparte, ez dira nahikoak izan arazoa ekiditeko”. Horregatik hain zuzen ere, “Administrazio Publikoak uholde arriskua ahalik eta gehien murrizteko, uholdeetatik at dauden garapen urbano seguruak ahalbidetu behar ditu, ibai erriberak bere funtzio naturalentzat bermatuak izan daitezen”, esaten du URA-k ebaluaketan.
Informazio gehiago URA-ren webgunean