Ekainaren 11an, larunbata, 18:00etan Igor Yebra dantzariak klase bat emango du jendaurrean Amurrio Antzokian. Udal Ballet eskolak bere aldetik, hurrengo kurtsoan parte hartzeko izen emateko epea ireki berri du hilaren 30a arte Kultur etxean.
Hilaren 30ra arte Udal Ballet eskolan datorren kurtsoan parte hartzeko izen emateko epea ireki da. Alde batetik, lau eta sei urte bitarteko haurrentzako eta bestetik, sei eta bederatzi urte dituztenentzako dantza aurreko taldeak sortu nahi dituzte. Klaseak Bañueta kiroldegian izango dira eta dantza aurreko taldeek astearteetan, asteazkenetan eta ostegunetan -17:00tik 18:30etara edo 18:00etatik 19:30etara- izango dituzte klaseak. Helduan dantza taldea bere aldetik, astelehen, astearte eta ostegunean -18:30tik 20:00etara- izango da.
Matrikulatzea 39,67 euro balioko ditu ( Amurrioko biztanleak 31,74 euro). Hilabeteko ordainsaria 59,51 eurokoa izango da abiatze ikastarorako ( Amurrioko biztanleak 47,62 euro), 66,13 eurokoa sei eta bederatzi urte dituzten haurren klaserako (Amurrioko biztanleak 52 euro) eta 72,74 eurokoa helduentzako (Amurrioko biztanleak 58,19 euro).
Amurrioko Udal Ballet eskola 2008. urtean ireki zuten eta Igor Yebra dantzariak zuzentzen du. Hasieran 33 dantzari zeuden baina joan den urtean 55 izan ziren, helduentzako klaseak ematen hasi zirelako.