Gida “Enpresa eta ingurumena” proiektuaren baitan dago, enpresei gai horren inguruko gestioa erraztea helburu duelarik. Proiektua Udaleko Ingurumen Sailarekin batera egingo da eta lehenengo fasean dago.
“Enpresek hainbat erantzukizun dituzte, eta legezko betebeharrak betetzeaz haratago doaz. Enpresa bat ezin da gizarteak aurre egiten dien arazo eta erronketatik kanpo geratu; ezta ingurumena zaindu eta iraunkor egitetik ere”, esaten du gidak.
Amurrio Bidean, tokiko garapenerako agentziak egindako gidan enpresei lagungarriak izan daitezkeen baliabideak aurkitzen dira. Horrela, legislazioaren, lizentzien edo diru-laguntzen inguruko informazioa dago. Gida agentziaren webgunean aurkitu daiteke enpresak gai horren inguruan sentsibilizatu daitezen.
Bigarren fase batean, Amurrioko enpresei produkzio eta hondakinen inguruko inkesta batean parte hartzea eskatzea izango da. Dokumentu horrek industria horiek sortzen dituzten hondakinen kudeaketa ikertzeko balioko du, besteak beste.
LAGUN AGURGARRIA:
Bisitatzen ari zaren webgune hau euskararen normalizazioaren alde Aiaraldea Ekintzen Faktoria proiektu berrituak garatzen duen tresnetako bat da.
Euskarazko hedabideak sortu eta eskualdean zabaltzeko gogor lan egiten dugu egunero-egunero langile zein boluntario talde handi batek.
Hedabide herritarra da gurea, eskualdeko herritarren ekarpen ekonomikoari esker bizi dena, jasotzen ditugun diru-laguntzak eta publizitatea ez baitira nahikoa proiektuak aurrera egin dezan.
Herritarra, anitza eta independentea den kazetaritza egiten dugu, eta egiten jarraitu nahi dugu. Baina horretarako, zure ekarpena ere ezinbestekoa zaigu. Hori dela eta, gure edukien hartzaile zaren horri eskatu nahi dizugu Aiaraldea Ekintzen Faktoriako bazkide egiteko, zure sustengua emateko, lanean jarraitu ahal izateko.
Bazkideek onura eta abantaila ugari dituzte gainera, beheko botoian klik eginda topatuko duzu informazio hori guztia.
Faktoria izan, egin zaitez bazkide.
Aiaraldea Hedabideko lantaldea.
Izan bazkide
