Igandean, nahiz eta egun euritsua izan, milaka pertsona joan ziren Okondon antolatutako XIII Baserri Azokara.
Urtero bezala, udaberriko lehen igandean baserriko produktuak probatu eta eskuratzeko aukera egon zen.
Aiaraldeko baserrietako produktuen eta artisautza-lanen erakusketa egon zen. Eztia, barazkiak, lekaleak, ogia edo gazta saldu zituzten, besteak beste, eta inguruko artisauek beira, buztina edo egurrez egindako produktuak erakutsi zituzten.
Gainera, aiaratarrok taloa, sagardoa, gaztainak eta Lumagorri oilaskoa dastatzeko aukera izan genuen.
Gesaltza Txarangak eta Okondoko Dantza Taldeak azoka girotu zuten zanpantzar talde batek herriko kaleak zeharkatzen zituen bitartean, eta bukaeran txahal bat zozkatu zen.
Baserrietako bizimodua eta lanak aurkeztu ziren, jendeari Aiarako nekazarien bizimodua ezagutarazteko. Esate baterako, ardiei ilea nola moztu erakutsi zuten.
LAGUN AGURGARRIA:
Bisitatzen ari zaren webgune hau euskararen normalizazioaren alde Aiaraldea Ekintzen Faktoria proiektu berrituak garatzen duen tresnetako bat da.
Euskarazko hedabideak sortu eta eskualdean zabaltzeko gogor lan egiten dugu egunero-egunero langile zein boluntario talde handi batek.
Hedabide herritarra da gurea, eskualdeko herritarren ekarpen ekonomikoari esker bizi dena, jasotzen ditugun diru-laguntzak eta publizitatea ez baitira nahikoa proiektuak aurrera egin dezan.
Herritarra, anitza eta independentea den kazetaritza egiten dugu, eta egiten jarraitu nahi dugu. Baina horretarako, zure ekarpena ere ezinbestekoa zaigu. Hori dela eta, gure edukien hartzaile zaren horri eskatu nahi dizugu Aiaraldea Ekintzen Faktoriako bazkide egiteko, zure sustengua emateko, lanean jarraitu ahal izateko.
Bazkideek onura eta abantaila ugari dituzte gainera, beheko botoian klik eginda topatuko duzu informazio hori guztia.
Faktoria izan, egin zaitez bazkide.
Aiaraldea Hedabideko lantaldea.
Izan bazkide
