Pasa den ostiralean emandako prentsaurrekoan hirigintza arloko zinegotziak 2012ko parte hartzearen inguruko irakurketa egin zuen. Bertan, auzo batzarrez gain, urtean zehar egindako bilera eta ekimen partehartzaileen balorazioa egin zuen. Izan ere, auzoetan dauden kezkak eta arazoak konpontzeko zenbait prozesu antolatu dira. Horien artean, Arrañoko auzokideekin batzorde berezia sortu zen antenaren lekualdaketa kudeatzeko.
Latiorron, Landaluze edota Gardean ere, horrelako ekimenak antolatu dira agente guztien ekarpenak jasotzeko asmoz arazoen konponbiderako. Ugarte auzoaren kasuan, udaleko ordezkariak, jai batzordea, kultur eragileak eta udaltzainak bildu zituzten bilera batean jalen inguruan hainbat neurri hartu ahal izateko. Zinegotziaren hitzetan, "Jaiak amaitzean bizilagunek eskerrak eta zorioank eman zizkiguten, bidea hori dela esanez".
Bestalde, auzo batzarren inguruan, Zabala zinegotziak urtean zehar bi dialdi izan zirela gogoratu zuen eta horien harira beste ekintza batzuk garatu direla. Parte hartzearen inguruko jardunaldiak, Ermualdeko jardunaldiak eta lehentasun inkesta, besteak beste.