Zuhaitz eguna ospatuko da martxoaren 16an

Erabiltzailearen aurpegia Noemi Bergantiños  Laudio

Zuhaitz eguna ospatuko da martxoaren 16an

Agenda 21ek antolatuta eta Tokiko Garapenerako Agentziaren laguntzarekin, martxoaren 16an Zuhaitz eguna ospatuko da Laudion. Ekimen honi hasiera emateko herriko plazatik Arraño Goineruriko mendirano irteera bat antolatu da. Goizeko 10etan izango du hasiera irteera honek eta Arrañora heltzean 100 zuhaitz landatuko dira, 50 haritz eta 50 artzi, hain zuzen ere.

Horretarako behar diren baliabideak udalak jarriko ditu. Bukatu ondoren, hamaiketako bat egingo da eta 12etatik aurrera Aldai plazan taillerrak, jolasak, e.a. egingo dira. Partehartzea librea da.

“Laudio 2025” Oinarri Estrategikoen definizio prozesua aurkeztuko da

Erabiltzailearen aurpegia Noemi Bergantiños  Laudio

“Laudio 2025” Oinarri Estrategikoen definizio prozesua aurkeztuko da

Laudioko udalak antolatuta, maiatzaren 22an izango den auzotarrei zuzendutako batzarraren deialdian “Laudio 2025” proiektua aurkeztuko da. Bertan, Laudioren etorkizunari buruzko oinarri estrategikoen  diseinuan lehenengo pausua eman nahi da. Izan ere, abiatuko den prozesuan datozen 15 urteetarako garapenaren inguruko akordio estrategikoak lortzeko mekanismoa indarrean jarriko da.

Tokiko garapen agentziak hainbat ikastaro eskainiko ditu

Erabiltzailearen aurpegia Noemi Bergantiños  Aiaraldea

Tokiko garapen agentziak hainbat ikastaro eskainiko ditu

Laudioko tokiko garapen agentziak hainbat ikastaro eskainiko ditu maiatza eta uztaila bitartean. Ikastaro hauek eskualdeko enplegu planaren parte dira eta formakuntzara zuzenduta daude.

Partaidetzari buruzko araudiaren zirriborroa aurkeztu du udalak

Erabiltzailearen aurpegia Noemi Bergantiños  Laudio

Partaidetzari buruzko araudiaren zirriborroa aurkeztu du udalak

Laudioko udalak partaidetza arautuko duen legezko dokumentuaren lehenengo zirriborroa aurkeztu du. Bertan, udaleko batzorde ezberdinen izaeraren gaiari (loteslea edo kontsultarako diren) heldu diote Jai Batzordearen eta beste hainbat alderdiren  kezka jasoz. Izan ere, Jai Batzordean hainbat eragile eta alderdi batzordea lotesle izatearen alde agertu dira. Udal taldeak, berriz, behin eta berriro adierazi du legalki batzordeek ezin dutela lotesle izaera izan baina konpromiso etikoa dutela erabakitakoa bete dadin.

Hiri-politikak definitzeko partaidetza bultzatu nahi du udalak

Erabiltzailearen aurpegia Noemi Bergantiños  Laudio

Hiri-politikak definitzeko partaidetza bultzatu nahi du udalak

Laudioko udalak datozen urteetan martxan jarriko duen proiektu berriaren aurkezpena egin du. Hirigintza Antolakuntzarako Plan Orokorraren (HAPO) berrikuspena, hain zuzen ere. Aurreko legealditik geldirik zegoen proiektu hau berreskuratu egin da planaren inguruko hainbat aspektu baloratu eta gero. Berrikuspen honekin hasi baino lehen herriarentzeko komenigarriak diren hiri-politikak garatzeko oinarri estrategikoak definitu behar direla aipatu du Natxo Urkixo alkateak. Horretarako,“Laudio 2025 hiri plangintzak” fase ezberdinak izango ditu.

Udalak hiru etxebizitza utziko dizkio Apdema elkarteari

Erabiltzailearen aurpegia Noemi Bergantiños  Laudio

Udalak hiru etxebizitza utziko dizkio Apdema elkarteari

Hainbat arazo sortu eta gero, Latiorron eraikitako babes ofizialeko etxebizitzatik Laudioko udalak hiru pisuren kontratua sinatu du jadanik Eusko Jaurlaritzarekin. Honezkero, hiru pisu horien giltzak udalaren esku daude. Natxo Urkixo alkatearen hitzetan, udalaren asmoa pisuak lehenik eta behin prestatzea da, Apdema elkarteari uzteko. Uzte honen ezaugarriak argitzeko datorren astean Apdemako ordezkariak eta Laudioko udalekoak bilduko direla jakinarazi du alkateak. Edozein kasutan, uzte honen helburu nagusia elkarte honen beharrak asebetetzea da.

Aurtengo martxoak 8 ekimenez beteta dator

Erabiltzailearen aurpegia Noemi Bergantiños  Aiaraldea

Aurtengo martxoak 8 ekimenez beteta dator

Emakumeen nazioarteko eguna dela eta, Aiaraldeko hainbat eragilek ekimenez beteta dagoen egitaraua aurkeztu dute. Laudioko kasuan, martxoaren 8an Laudioko Institutuak Katixa Agirreren “Emakumea Literaturan” hitzaldia antolatu du goiz parterako. Eguerdian, kontzentraziorako deia luzatu du Solastiar elkarteak 13.00ean Lamuza Plazan eta gauean emakumez osaturiko musika taldeen kontzertua antolatu du Gazte Mugimenduak.

Etxegabetzeen aurrean udalaren jokaera finkatzen duen protokoloa aurkeztu dute

Erabiltzailearen aurpegia Noemi Bergantiños  Laudio

Etxegabetzeen aurrean udalaren jokaera finkatzen duen protokoloa aurkeztu dute

Laudioko udalak etxegabetzeen inguruko protokoloa aurkeztu du. Egindako dokumentuan horrelako egoera batean egon daitezkeen pertsona edota familiekin nola lan egin behar den finkatzen da. Dokumentuaren arabera, udalak desjabetze-akzioak dituzten erakunde finantzieroekin harremana apur dezake salaketa publikoa eginez. Bestalde, protokoloaren aurkezpenean jakinarazi dutenez, udalak aurrekontutik 10.000 euro erreserbatuko ditu fidantza ordainketak egiteko alokairu kasuetan.

60 eskaera jaso dira ortu ekologikoetarako

Erabiltzailearen aurpegia Noemi Bergantiños  Laudio

60 eskaera jaso dira ortu ekologikoetarako

Laudioko udalak ortu ekologien berri eman zuen pasa den ostiralean. Prentsaurrekoan esan zutenez guztira 60 eskaera jaso dituzte. Horietatik 18 Gizarte Ongizatearen sailaren bidez heldu dira zerbitzu sozialen basesa jasotzen dutenei esleitzeko. Talde honetako pertsonei zuzendutako ortu kopurutik 3 esleitu gabe geratu dira.