Laudioko Berdintasun Zerbitzuak formakuntza ikastaroen eskaintza zabaldu egin du. Horien artean, autodefentsa ikastaroak aurki ditzakegu: batetik, emakumeentzako mantentze edo autodefentsa errefortzu tailerra (azaroak 10). Ikastaroa aurretiaz autodefentsa ikastaroren bat egin duten emakumeei zuzenduta dago. Bestetik, adin guztietako emakumeentzako oinarrizko edo hastapen autodefentsa ikastaroa ere eskainiko da (azaroak 24, 25).
Bestalde, azarorako eskaintza honen barruan informatika eta interneti buruzko ikastaroak antolatu dira bai oinarrizko mailakoentzako bai jarraipen edo bigarren mailakoentzako. Bukatzeko, urriaren 30etik abenduaren 11ra arte, “Geure buruak zaintzeko trikimailu ekonomiko eta praktikoen tailerra” ere emango da.
“Zinea eta emakumea” seigarren zikloa bihar hasiko da
Laudioko Udaleko Berdintasun arloak, Zinea eta Emakumea uztartzen dituen zikloaren seigarren edizioa martxan jarriko du bihartik aurrera. Honetan, emakumeek egin eta ekoiztutako edo eta nazioarte mailan emakumeekin erlazionatutako gaiak jorratuko dira. Aurtengo zikloak hurrengo film hauek eskainiko ditu:
- “Criadas y Señoras” (Urriak 24): 60. Hamarkadan Mississipin bizi diren hiru emakume desberdinen eta euren esperientzia paregabeen historia.
- “Nader y Simin, una separación” (Urriak 31): Iraniar bikote gazte baten banatze prozesuaren inguruko gora beherak.
Proiekzioak Lan Heziketako Udal Ikastetxean egingo dira, arratsaldeko 18.30ean. Sarrera doakoa.
Informazio gehiagorako eta izena emateko: 94 403 4850