Laudioko Santa Lucia Abesbatzak kontzertua eskainiko du larunbat honetan bere 40. urteurrena ospatzeko. Ekitaldia Lanbide Heziketako Udal Ikastetxean izango da arratsaldeko 20.30ean. Besteak beste, 40 urte horietan Abesbatzatik pasatutako kideek -zuzendariak, abeslariak, dantzariak, piano joleak... elkartzeko aukera izango dute.
Kontzertuan lau hamarkada hauetako abesti adierazgarriak, baita abesbatzarentzako garrantzitsuak izan diren abestiak entzungo dira. Horien artean, Abesbatzak agertokian abestu zuen lehenengo abestia eta Sting-en “An englishman in New York” abestiaren lehenengo emanaldia. Abestiez gain, hainbat bideo proiektatuko dira non Abesbatzaren momentu bereziak, anekdotak, e.a. jasotzen diren.
Asteburu musikala
Horretaz gain, Laudioko kofradiak antolatuta igande honetan Nova Musica Antigua taldeak emanaldi bat egingo du, hildako kofradeen omenezko 13.00etako meza bukatu ostean.
Bestalde, rock banda batek lagundurik, Laudioko musika bandak kontzertuen denboraldi berria aurkeztuko du urriaren 28an. Hitzordua, 19.00etan izango da, Lamuzako Kepa Deuna elizan. Sarrera doakoa izango da.