Gaur goizaldean Ertzaintzak 40 urteko gizon bat atxilotu du Okondon genero indarkeria leporatuta. Goizaldeko ordu biak inguruan, polizia etxebizitza batera hurbildu zen ustesko liskar bat zela eta. Bertan, emakume batek bere senarrarekin izandako eztabaidaren berri eman zien. Izan ere, emakume honek esan zienez, beldur zion bere senarrari, nahiz eta eraso fisikorik ez izan. Ertzaintzak kasu honi lotutako atxiloketa egin du.
Atxiloketa honekin, azken bi egun hauetan, EAEan genero indarkeriarekin lotuta 5 atxiloketa egon dira Bilbon, Donostian, Pasaian, Irunen eta Okondon. Hauen artean badira bi kasu non urruntasun agindua hautsi egin den.
Genero indarkeriaren biktimentzat 24 orduko telefono bidezko arreta zerbitzua: 900 840 111
LAGUN AGURGARRIA:
Bisitatzen ari zaren web-gune hau euskararen normalizazioaren alde Aiaraldea Ekintzen Faktoria proiektu berrituak garatzen duen tresnetako bat da.
Euskarazko hedabideak sortu eta eskualdean zabaltzeko gogor lan egiten dugu egunero-egunero langile zein boluntario talde handi batek.
Hedabide herritarra da gurea, eskualdeko herritarren ekarpen ekonomikoari esker bizi dena, jasotzen ditugun diru-laguntzak eta publizitatea ez baitira nahikoa proiektuak aurrera egin dezan.
Herritarra, anitza eta independentea den kazetaritza egiten dugu, eta egiten jarraitu nahi dugu. Baina horretarako, zure ekarpena ere ezinbestekoa zaigu. Hori dela eta, gure edukien hartzaile zaren horri eskatu nahi dizugu Aiaraldea Ekintzen Faktoriako bazkide egiteko, zure sustengua emateko, lanean jarraitu ahal izateko.
Bazkideek onura eta abantaila ugari dituzte gainera, beheko botoian klik eginda topatuko duzu informazio hori guztia.
Faktoria izan, egin zaitez bazkide.
Aiaraldea Hedabideko lantaldea.
Izan bazkide