LAB sindikatuak Amurrioko Megatech enpresan adostutako akordioaren ustezko manipulazioa salatu nahi izan du. Komunikatu batean adierazi dutenez, azaroan langile eta enpresa-batzordeak lortutako aurreakordioaren eduki baten esanahia aldatu du UGT sindikatuak. Aurreakordio horrek antzinatasun-saria aurreikusten zuen zeinaren arabera lanean emandako laurteko bakoitzagatik, hilero 15 euro kobratuko zuten langileek. LABek komunikabideetara bidalitako oharrean, UGT sindikatuak antzinatasun-saria hitzarmenaren sinaduratik aurrera indarrean jartzea proposatzen duela salatu du (eta ez langilearen lehen lan-egunetik).
Amurrioko Megatech Industries S.L. enpresak, plastikoen injekzio lanetan aritzen dena, hitzarmen kolektiboaren negoziaketa prozesua izan du azken aste hauetan. Langileen gehiengoak hainbat geldialdi egin ostean, azaroaren 23an egindako mobilizazioak bertan behera geratu ziren langile eta enpresa-batzordeak lortutako aurreakordioari esker.
LAGUN AGURGARRIA:
Bisitatzen ari zaren webgune hau euskararen normalizazioaren alde Aiaraldea Ekintzen Faktoria proiektu berrituak garatzen duen tresnetako bat da.
Euskarazko hedabideak sortu eta eskualdean zabaltzeko gogor lan egiten dugu egunero-egunero langile zein boluntario talde handi batek.
Hedabide herritarra da gurea, eskualdeko herritarren ekarpen ekonomikoari esker bizi dena, jasotzen ditugun diru-laguntzak eta publizitatea ez baitira nahikoa proiektuak aurrera egin dezan.
Herritarra, anitza eta independentea den kazetaritza egiten dugu, eta egiten jarraitu nahi dugu. Baina horretarako, zure ekarpena ere ezinbestekoa zaigu. Hori dela eta, gure edukien hartzaile zaren horri eskatu nahi dizugu Aiaraldea Ekintzen Faktoriako bazkide egiteko, zure sustengua emateko, lanean jarraitu ahal izateko.
Bazkideek onura eta abantaila ugari dituzte gainera, beheko botoian klik eginda topatuko duzu informazio hori guztia.
Faktoria izan, egin zaitez bazkide.
Aiaraldea Hedabideko lantaldea.
Izan bazkide