Pasa den astelehenean Laudioko erdialdeko auzokideek Auzo Asanbladako hitzordua izan zuten. Lamuzako etxe nagusiaren kokapen berrian 65 pertsona inguru alderdien ordezkari eta udal teknikariekin bildu ziren, erdialdeko gaiak lantzeko asmoz. Aurreko asanbladetan bezala, Gobernu Taldeak hasiera eman zion bilera honi honako puntu hauekin: gaiorden proposamenaren onarpena, hurrengo auzo asanbladen mekanismoari buruzko iritzien eskaera eta Udalaren egungo egoeraren inguruko informazioa.
Ondoren, auzokideen eskaerak, iradokizun eta iritziak plazaratzeko txanda hasi zen. Honetan ere, hirigintza arloaren hainbat jarduketa ezberdinak eskatu ziren erdialdeko zonalde guztietan. Auzokideen kezken artean, zaratak sortzen dituen eragozpenak izan zen bileraren gai nagusienetariko bat. Batez ere, Aldai plazan eta Zumalakarregi kalean jai eta asteburuen aisialdiak gauetan sortzen duten zarata soportaezina egiten zaiela adierazi zuten, Gobernu Taldeari neurriak hartzera eskatuz. Aldai plazako kasuan jaietarako jartzen diren umeentzako jokuen musikaren bolumena altuegia dela aipatu zen. Zumalakarregi kalean, berriz, asteburuetan, tabernetako jendea kalera ateratzen dela (erretzearen debekua dela eta) zarata, zikinkeria eta hainbat hondatze sortuz (batez ere Arrañoko igogailuaren zonaldean), kritikatu zen. Honen inguruan, Gobernu Taldeak hau konpontzeko ahaleginak egingo dituela esan zuen zaila dela atsedenerako eskubidea eta aisialdirako eskubidea bat egiten gogoratuz.
Bestalde, kale batzuen egoerari buruzko kezkaz planteatu ziren: Javier Zaballaren plazaren uzkeria, Zubiko Kurajo kaleak dituen saneamendu arazo larriak, Solozelai plazan, Izoria kalean eta Ikastolako igoeran kotxeek sortzen dituzten arazoak, umeentzako ziurtasun falta eraginiz eta Butron plazako eskaileren garbiketa falta, besteak beste.