Orozkoko Udalak tokiko enpresa txikientzako eta langile autonomoentzako laguntza sorta berria onartu du

Erabiltzailearen aurpegia
Udalerriko autonomoak eta enpresa txikiak laguntzea da ekimenaren helburua:/ Orozkoko Udala

Alarma-egoeraren ondorioz lan-jarduera eten edo fakturazioan %50eko murrizketa jasan duten negozioentzako diru-laguntzak dira, euren gastu finkoei aurre egin ahal ditzaten. Osasun-larrialdiak herrian eragindako premia ekonomikoko egoerei aurre egitea da helburua. 25.000 euroko aurrekontua onartu da; eskaera guztiei erantzuteko nahikoa ez bada, diru-hornidura handitu ahal izango da.

Pertsona autonomoentzako eta mikroenpresentzako laguntza-lerro berria onartu ditu Orozkoko Udalak, alarma-egoera dela eta fakturazioan %50eko beherapena izan edo jarduera eten behar izan zuten enpresa txikiei zein autonomoei laguntzeko.

Udal-prestazio hauek bideratuta daude negozio edo merkataritza-jarduera horien gastu finkoei aurre egitera, hala nola, denden, kafetegien, jatetxeen, tabernen, industrien eta lantegien hainbat gastu.
Alarma-egoerak udalerrian eragin dituen egoera ekonomiko zailei aurre egitea da helburua.

Laguntzen aurrekontua
Laguntza-sorta berri honetarako 25.000 euroko aurrekontua onartu da. Hala ere, zenbateko hori partida eskaera guztiei erantzuteko nahikoa ez bada, diru-hornidura handitu ahal izango da.
Lan-jarduera eten behar izan ziren kasuetan, 1.000 eurorainoko diru-laguntzak eskainiko dira, besteak beste, mantentze-lan, hornidura, makineria, instalazio, aholkularitza, kontularitza, errentamendu eta aseguru-prima gastuei aurre egiteko.

Zenbateko horri 250 euro gehitu ahal izango zaio hileko alokairu gisa, itxita egon ziren bitartean negozioek alokairu ordaintzen jarraitu behar izan balute.

Bestalde, jarduera eten ez bazen baina horren fakturazioa %50 baino gehiago murriztu bada, diru-laguntza 500 eurokoa izango da gehienez, eta 125 euro gehitu ahal izango zaie hilero alokairu gisa. Kasu honetan, epea izango da alarma-egoeraren hasieratik, martxoaren 14tik, amaitu zen arte, hau da, 2020ko ekainaren 20ra arte.

COVID-19aren aurkako laguntza-planak
Deialdi berri honek osatu egingo ditu Udalak aurreko hilabeteetan onartutakoak, hau da, 2020ko apirilaren 1etik abenduaren 31ra arteko udal-tasen salbuespena, bezeroek beharrezko distantziak gordetzeko helburuarekin terrazen espazio publikoa handiagotzea eta material desinfektatzailea, NBEak nahiz aholkularitza fiskala ematea.

LAGUN AGURGARRIA:

Bisitatzen ari zaren web-gune hau euskararen normalizazioaren alde Aiaraldea Ekintzen Faktoria proiektu berrituak garatzen duen tresnetako bat da.

Euskarazko hedabideak sortu eta eskualdean zabaltzeko gogor lan egiten dugu egunero-egunero langile zein boluntario talde handi batek.

Hedabide herritarra da gurea, eskualdeko herritarren ekarpen ekonomikoari esker bizi dena, jasotzen ditugun diru-laguntzak eta publizitatea ez baitira nahikoa proiektuak aurrera egin dezan.

Herritarra, anitza eta independentea den kazetaritza egiten dugu, eta egiten jarraitu nahi dugu. Baina horretarako, zure ekarpena ere ezinbestekoa zaigu. Hori dela eta, gure edukien hartzaile zaren horri eskatu nahi dizugu Aiaraldea Ekintzen Faktoriako bazkide egiteko, zure sustengua emateko, lanean jarraitu ahal izateko.

Bazkideek onura eta abantaila ugari dituzte gainera, beheko botoian klik eginda topatuko duzu informazio hori guztia.

Faktoria izan, egin zaitez bazkide.

Aiaraldea Hedabideko lantaldea.


Izan bazkide