Honako ekipamendua jarri da eskolaren eskura: 500 maskara higieniko, 15 FFP2 maskara, eskuak garbitzeko 5 litro geleko 5 bidoi eta gainazalak garbitzeko beste 5 litroko 5 bidoi, 12 gel-banagailu, 4 termometro eta 5 alfonbra desinfektatzaile. Herriko lokalak eta espazioak eskaini dizkio udalak eskola publikoari.
Elkarlanean aritu dira Orozkoko Udala eta eskola bera COVID-19aren aurkako plan berria diseinatzeko. Aurreko ikasturtea amaitu baino lehen, udal ordezkariak ikastetxe publikoko zuzendaritzarekin hasi ziren elkartzen.
Bilera horiek irailean zehar jarraitu dute, ikasleak eskolara bueltatzean jarraitu beharreko protokoloak lantzeko helburuarekin eta egunez eguneko arazoak konpontzeko asmoz.
Horrekin batera, herriko lokalak eta espazioak eskaini dizkio udalak eskolari, ikasgelak banatu ahal izateko beharrezkoa balitz: Ibarra auzoko antzinako eskolak, Zubiaur auzoko anbulategi zaharra, Gizarte Etxea, Kultur Etxea, Liburutegia eta Gaztetxokoa.
Gainera, honako ekipamendua jarri da eskolaren eskura: 500 maskara higieniko, 15 FFP2 maskara, eskuak garbitzeko 5 litro geleko 5 bidoi eta gainazalak garbitzeko beste 5 litroko 5 bidoi, 12 gel-banagailu, 4 termometro eta 5 alfonbra desinfektatzaile.
Amaitzeko, garbiketa osagarrirako eta desinfekzio lanetarako enpresa kontratatu da, eta altzarien lekualdaketa udal brigadak burutu du.
LAGUN AGURGARRIA:
Bisitatzen ari zaren web-gune hau euskararen normalizazioaren alde Aiaraldea Ekintzen Faktoria proiektu berrituak garatzen duen tresnetako bat da.
Euskarazko hedabideak sortu eta eskualdean zabaltzeko gogor lan egiten dugu egunero-egunero langile zein boluntario talde handi batek.
Hedabide herritarra da gurea, eskualdeko herritarren ekarpen ekonomikoari esker bizi dena, jasotzen ditugun diru-laguntzak eta publizitatea ez baitira nahikoa proiektuak aurrera egin dezan.
Herritarra, anitza eta independentea den kazetaritza egiten dugu, eta egiten jarraitu nahi dugu. Baina horretarako, zure ekarpena ere ezinbestekoa zaigu. Hori dela eta, gure edukien hartzaile zaren horri eskatu nahi dizugu Aiaraldea Ekintzen Faktoriako bazkide egiteko, zure sustengua emateko, lanean jarraitu ahal izateko.
Bazkideek onura eta abantaila ugari dituzte gainera, beheko botoian klik eginda topatuko duzu informazio hori guztia.
Faktoria izan, egin zaitez bazkide.
Aiaraldea Hedabideko lantaldea.
Izan bazkide
