Eztabaida interesatua

Erabiltzailearen aurpegia

Urteak daramatzagu gure pentsio sistemaren gaineko eztabaida interesatu baten parte izaten. Gure pentsioen maila kotizazioen bidez lortuko den diruaren araberakoa izango denaren baieztapenera mugatu nahi dute batzuek eztabaida hori. 

Beste ikuspuntu eta politika batzuk ez dira soilik posible, beharrezkoak ere badira. Nire ustez, eztabaida bat ireki beharko litzateke nahi dugun babes sozial motaren inguruan, eta babes sozial hori zergen bidez mantentzeko eta handitzeko prest gauden ere galdetu beharko genioke gure buruari, Gizarte Segurantzako kutxan zenbat diru daukagun galdetzen egon ordez.

Europako gobernu kontserbadore guztiek krisiaren aitzakia baliatu dute euren helburua lortzeko: pentsioen murrizketa eta sistema pribatuen ugaritzea. Eurek abian jarritako lan-merkaturako politikak dira Gizarte Segurantzako finantziazio arazoak handitzen ari direnak.

Adibide bat jartzearren: 2015eko lehen sei hilabeteetan ia 70.000 pertsona gehiago hasi ziren kotizatzen, baina kotizazioekin lortzen den dirua 639 milioi eurotan baino ez da handitu. Aldi baterako kontratuek (% 92) eta soldata baxuek gobernatutako lan-merkatu baten ondorioa da hori.
Hortaz gain, geroz eta langile gehiagok dituzte lanaldi partzialak. EAEko emakumeen kasuan, lan egiten duten emakumeen herenak bizi du egoera hori.

Horregatik, gure pentsioak hobetzeko modu bat (ez bakarra) izan daiteke gure lan-merkatu zauritua hobetzen hastea.

LAGUN AGURGARRIA:

Bisitatzen ari zaren web-gune hau euskararen normalizazioaren alde Aiaraldea Ekintzen Faktoria proiektu berrituak garatzen duen tresnetako bat da.

Euskarazko hedabideak sortu eta eskualdean zabaltzeko gogor lan egiten dugu egunero-egunero langile zein boluntario talde handi batek.

Hedabide herritarra da gurea, eskualdeko herritarren ekarpen ekonomikoari esker bizi dena, jasotzen ditugun diru-laguntzak eta publizitatea ez baitira nahikoa proiektuak aurrera egin dezan.

Herritarra, anitza eta independentea den kazetaritza egiten dugu, eta egiten jarraitu nahi dugu. Baina horretarako, zure ekarpena ere ezinbestekoa zaigu. Hori dela eta, gure edukien hartzaile zaren horri eskatu nahi dizugu Aiaraldea Ekintzen Faktoriako bazkide egiteko, zure sustengua emateko, lanean jarraitu ahal izateko.

Bazkideek onura eta abantaila ugari dituzte gainera, beheko botoian klik eginda topatuko duzu informazio hori guztia.

Faktoria izan, egin zaitez bazkide.

Aiaraldea Hedabideko lantaldea.


Izan bazkide