Uraren Euskal Agentziak, Eusko Jaurlaritzaren erakunde publikoak, bi presa txiki bota ditu Nerbioi ibaian, Urduña parean. Bi presak ez ziren jada erabiltzen, ez zuten emakidarik indarrean, arrain-faunak Nerbioi ibaian aske ibiltzea eragozten zuten, ibai-tarteko berezko dinamika aldatzen zuten, eta ez zuten bide-zatiaren egoera ekologikoa hobetzen laguntzen.
Jarduketa honetan, ubidera heltzeko atagia edo sarbide txikiak sortu dira: hondeamakina txiki bat hurbil zedin, presa zaharren erdiko zatia txikitu ahal izateko, eta hormigoi-hondarrak kentzeko ibilguaren ohantze naturalarekin bat egiten duen puntura arte.
Presak zati batean kendu dira, eta ahaleginak egin dira bi presek blokeatutako jalkinak eta metakinak ibaian behera eraginik egin ez dezaten (bat-bateko uhertasuna dela eta) eta emariak pixkanaka eraman ditzan.
Era berean, presak partzialki kentzeak ur-laminaren altuera txikiagotzea errazten du, ur-askoko gertakarietan.
Bi azpiegiturak eraisteko baterako inbertsioa 35.000 €-koa izan da, gehi BEZa.
Proiektu honek Eskualde Garapenerako Europako Funtsaren (EGEF-FEDER) finantziazioa jasotzen du.