URAk Laudioko San Juan errekaren uholdeei aurre egiteko lanen lizitazioa hasi ditu

Erabiltzailearen aurpegia

Helburua da San Juan errekak Zumalakarregi eta Goikoplaza artean duen hustubide-ahalmena handitzea; hartara, ur-goraldien aurrean segurtasuna areagotzeko. "Nerbioi ibaiaren uholdeei  aurre egiteko proiektua, Laudioko hirigunetik igarotzen denean" proiektuan aurreikusitako jarduerekin koordinatutako jarduketa da.

URA-Uraren Euskal Agentziak, Eusko Jaurlaritzako Ekonomiaren Garapen, Iraunkortasun eta Ingurumen Sailari atxikiak, Laudioko San Juan errekan uholdeei aurre egiteko lanen proiektuaren lizitazioa hasi du;  Zumalakarregi eta Goikoplaza artean dagoen 150 metroko tarterako, hain zuzen ere. 

Azaldutako proiektuaren helburua da ura husteko ahalmena handitzea eta ur-goraldien aurrean segurtasuna areagotzea,  San Juan errekak Zumalakarregi eta Goikoplaza artean eta Nerbioi ibaiarekin duen elkargunean. Obrek 885.839,10 €ko (gehi BEZa) lizitazio-aurrekontua dute, eta 7 hilabeteko egikaritze-epea aurreikusten da.

Nerbioi ibaiaren adarra den San Juan errekaren ezkerraldea oso antropizatuta dagoen sekzioa du azken zatian, eta ez du ahalmen hidrauliko nahikoa. Gainera, Nerbioi ibaiaren ur-laminaren kotak San Juan errekaren uraldien ur-laminaren kotetan eragina dute.

Proiektua bi helburu ditu xede:

  • Alde batetik, ibai-tarteari ur-hustuketarako ahalmena handitzea: hartara,  San Juan errekak 100 urteko errepikatze-denborako uraldiek eragindako uholde-arriskua saihesteko.
  • Bestetik, San Juan errekari aire zabaleko ibilgu bat ematea, eta egungo ibilguak duen estaldura ordezkatu egingo da Goikoplaza kaleko bidegurutzean pasabide berri eta bakar batekin; aldi berean, tarte horren eta ibaiertzen paisaia eta ingurumena leheneratzea sustatzen da; gaur egun erabat degradatuta baitaude.

Halaber, aurreikusitako bizitegi-garapen urbanistikoa burutzeko aukera ematen du, errekaren ibilguaren eta Baias kalearen artean.

San Juan errekaren egokitzapen hidraulikoa eta ingurumen-egokitzapena egiteko proiektua diseinatzean, kontuan hartu dira "Nerbioi ibaia Uholdeei aurre egiteko Proiektua, Laudioko (Araba) hirigunetik igarotzen denean" proiektuaren aurreikuspenak. Proiektu horren jarduketa-eremua Nerbioi ibaiaren zatia hartzen du, Kurajoko pasabidearen eta Altzarrate zubiaren artean.

LAGUN AGURGARRIA:

Bisitatzen ari zaren web-gune hau euskararen normalizazioaren alde Aiaraldea Ekintzen Faktoria proiektu berrituak garatzen duen tresnetako bat da.

Euskarazko hedabideak sortu eta eskualdean zabaltzeko gogor lan egiten dugu egunero-egunero langile zein boluntario talde handi batek.

Hedabide herritarra da gurea, eskualdeko herritarren ekarpen ekonomikoari esker bizi dena, jasotzen ditugun diru-laguntzak eta publizitatea ez baitira nahikoa proiektuak aurrera egin dezan.

Herritarra, anitza eta independentea den kazetaritza egiten dugu, eta egiten jarraitu nahi dugu. Baina horretarako, zure ekarpena ere ezinbestekoa zaigu. Hori dela eta, gure edukien hartzaile zaren horri eskatu nahi dizugu Aiaraldea Ekintzen Faktoriako bazkide egiteko, zure sustengua emateko, lanean jarraitu ahal izateko.

Bazkideek onura eta abantaila ugari dituzte gainera, beheko botoian klik eginda topatuko duzu informazio hori guztia.

Faktoria izan, egin zaitez bazkide.

Aiaraldea Hedabideko lantaldea.


Izan bazkide