10 urte pasatu dira jada Gizarte-Etxeak bere lehenengo mendi martxa antolatu zuenetik. 2002. urtean izan zen. Arrankudiaga-Sarria 35 km-ko ibilbidea osatu zen orduan, eta lehenengo edizio hartan zortzi lagun animatu ziren. Geroztik, era umilean izan bada ere, bertoko biztanleen parte hartzea handitzen joan da eta noski, gero eta jende gehiago inplikatu da antolakuntzan. Inguruko bazterrak eta mendi tontor gehienak ezagutzeko asmoarekin jaio zen mendi martxa hau, herritarrentzat eta hurbilekoentzat gehienbat. Konpainia eta hamaiketako ederraz gozatzeko eta, prisarik gabeko filosofiarekin, aurrera egiten du gaur egun antolatzaileen poztasunerako.
Aurten ere Gizartek ez du hutsik egingo eta larunbat honetan, irailak 29, lehenengo martxan egindako ibilbide bera egingo du. Honez gain, X. edizio honetan, menditik ibiltzen hain ohituta ez daudenentzat beste txango laburrago bat antolatu da Bikotxganeraino. Bertan, martxa txikia amaitzen dutenentzat hamaiketako bat egongo da.
Ibilbide luzea: Irteera 7etan herriko plazan. Horniketa puntua Bikotxganen. Sarriatik buelta, kotxez.
Ibilbide laburra: Irteera 8etan herriko plazan. Hamaiketakoa Bikotxganen. Buelta kotxez.
Afaria, gaueko 21:00etan. Apuntatzeko epea: irailaren 26ra arte Gizarte-etxean.
10 urte pasatu dira jada Gizarte-Etxeak bere lehenengo mendi martxa antolatu zuenetik. 2002. urtean izan zen. Arrankudiaga-Sarria 35 km-ko ibilbidea osatu zen orduan, eta lehenengo edizio hartan zortzi lagun animatu ziren.
LAGUN AGURGARRIA:
Bisitatzen ari zaren web-gune hau euskararen normalizazioaren alde Aiaraldea Ekintzen Faktoria proiektu berrituak garatzen duen tresnetako bat da.
Euskarazko hedabideak sortu eta eskualdean zabaltzeko gogor lan egiten dugu egunero-egunero langile zein boluntario talde handi batek.
Hedabide herritarra da gurea, eskualdeko herritarren ekarpen ekonomikoari esker bizi dena, jasotzen ditugun diru-laguntzak eta publizitatea ez baitira nahikoa proiektuak aurrera egin dezan.
Herritarra, anitza eta independentea den kazetaritza egiten dugu, eta egiten jarraitu nahi dugu. Baina horretarako, zure ekarpena ere ezinbestekoa zaigu. Hori dela eta, gure edukien hartzaile zaren horri eskatu nahi dizugu Aiaraldea Ekintzen Faktoriako bazkide egiteko, zure sustengua emateko, lanean jarraitu ahal izateko.
Bazkideek onura eta abantaila ugari dituzte gainera, beheko botoian klik eginda topatuko duzu informazio hori guztia.
Faktoria izan, egin zaitez bazkide.
Aiaraldea Hedabideko lantaldea.
Izan bazkide