Igande honetan hasita hurrengo larunbatera arte, Arrankudiaga-Zolloko lehenengo Euskal Astea egingo da. ”Euskaraz Bizi Nahi Dut” lelopean, helburuak argi eta garbi markatuta egon dira hasieratik. Batetik, euskaren erabilerari bultzada handi bat eman nahi zitzaion, eta, bestetik, hori lortzeko herriko eragile guztien parte-hartzea ezinbestekoa ikusten zen. Abiapuntu horrekin, lanean aritu dira udaleko Euskara eta Kultura-Kirola lantaldetik. Esfortzuak merezi izan du, eta, ekimenei begira, eskaintza anitza bezain interesgarria ikus daiteke egitarauan.
Domeka honetan, hain zuzen ere, trikitilarien soinuarekin girotuta Nekazal Azoka egongo da. Taloak, txistorra eta euskal produktuez gain, Grafitti erakusketa bat ikusteko aukera izango dugu ere. Aste barruan, guztion gozamenerako, egunero egongo da zerbait, hala nola, hitzaldiak (Iturralderekin “kirola eta baloreak”, edo “euskararen jatorria”), ipuin kontalariak, kale antzerkia, eta kanta triki poteo bat ostiral gauean. Eskolak ere bere egitarau propioa atera du eta, herriari begira euren lanak erakutsiko badituzte ere, zenbait ekimen antolatu dituzte senideekin harremanetan egoteko. Horrez gain, herri kiroletako adituak eskolatik pasako dira jaian parte hartzeko asmoarekin.
Euskal Asteko egunik azpimarragarriena azken larunbata izango da. Izan ere, goizetik hasita, herri kirolen lehiaketa mistoa egingo da herriko plazara hurbiltzen diren animatuen artean. Ondoren, indarrak berreskuratzeko eta, nola ez, ahotsak tonuan jartzeko bertso bazkari herrikoiaz gozatuko dugu herriko plazan. Izar Mendiguren eta Iñaki Biñaspre izango dira gonbidatuak. Jarraian eta atsedenik gabe, Ugaoko Batukadaren erritmo martxosoekin dantzatzeko aukera egongo da, horrela, gaueko jaialdira arte. Izan ere, gaueko 10etan hasiko da Nik Khaos, Irrintzi, Fetitxe, The Mandoleis eta Dj Gentza inguruko taldeek eskainiko diguten jaialdi paregabea.
Igande honetan hasita hurrengo larunbatera arte, Arrankudiaga-Zolloko lehenengo Euskal Astea egingo da. ”Euskaraz Bizi Nahi Dut” lelopean, helburuak argi eta garbi markatuta egon dira hasieratik.
Batetik, euskaren erabilerari bultzada handi bat eman nahi zitzaion, eta, bestetik, hori lortzeko herriko eragile guztien parte-hartzea ezinbestekoa ikusten zen. Abiapuntu horrekin, lanean aritu dira udaleko Euskara eta Kultura-Kirola lantaldetik. Esfortzuak merezi izan du, eta, ekimenei begira, eskaintza anitza bezain interesgarria ikus daiteke egitarauan.
LAGUN AGURGARRIA:
Bisitatzen ari zaren web-gune hau euskararen normalizazioaren alde Aiaraldea Ekintzen Faktoria proiektu berrituak garatzen duen tresnetako bat da.
Euskarazko hedabideak sortu eta eskualdean zabaltzeko gogor lan egiten dugu egunero-egunero langile zein boluntario talde handi batek.
Hedabide herritarra da gurea, eskualdeko herritarren ekarpen ekonomikoari esker bizi dena, jasotzen ditugun diru-laguntzak eta publizitatea ez baitira nahikoa proiektuak aurrera egin dezan.
Herritarra, anitza eta independentea den kazetaritza egiten dugu, eta egiten jarraitu nahi dugu. Baina horretarako, zure ekarpena ere ezinbestekoa zaigu. Hori dela eta, gure edukien hartzaile zaren horri eskatu nahi dizugu Aiaraldea Ekintzen Faktoriako bazkide egiteko, zure sustengua emateko, lanean jarraitu ahal izateko.
Bazkideek onura eta abantaila ugari dituzte gainera, beheko botoian klik eginda topatuko duzu informazio hori guztia.
Faktoria izan, egin zaitez bazkide.
Aiaraldea Hedabideko lantaldea.
Izan bazkide