Aiaraldeak 4000 kilo inguru bidali ditu iragan otsailaren 16an Bilbotik errefuxiatuen kanpamenduetaraino abiatu zen IX. Saharar Karabanara, aurreko urtean baino %30 gehiago. Iragan otsailaren 16an, larunbatean,herritarrek eta Euskal Autonomia Erkidegoko Udalek eskainitako 200 kilo elikagai baino gehiagorekin abiatu zen kargatuta Bilbotik Sahararekiko elkartasuna adierazteko IX euskal karabana, "Piztu Itxaropena" lemapean.Bilbotik, 6 trailer eta elikagaiez betetako bina kamioi eta autobus, zein anbulantzia eta kamioneta garabi bat abiatu ziren errefuxiatuen kanpamenduetara.
Egun horretan eta prentsaurreko baten bitartez, karabanarako bildutako ekarpenak eskertuzeaz gain, Marokon 24 sahararrek pairatzen ari ziren epaiketa salatu zen. Izan ere, horietako zortziri bizitza osorako kondena ezarri diete, eta gainontzeko pertsonei 20 eta 30 urteko kartzela zigorra. Era berean, "kaltetuei" elkartasuna adierazi zieten.
Elikagai bilketa honetan parte hartu duten Eskualdeko RASDeko lagunen elkarteak, laguntza eskaini duten elkarte, udal, entitate eta herritarrei karabanarekin bat egin izana eskertu diete, aurten, azken bi urteetan baino gehiago bildu baita.