Amurrioko Gazte Asanbladak aurreko hilabeteetan egindako lanketatik ateratako ondorioez baliatuz, “Eskutik eskura” kanpaina aurkeztu du. Herrian dauden lonja kopuru handiari erreparatuta, haiekin harremanetan jartzea erabaki dute horien partaidetza eskatuz.Horren ondorioz, asko izan dira atzoko aurkezpenera gerturatutakoak, lonjetatik atera eta proiektu berri honetan parte hartzera animatu direnak.
Gazte Asanbladak argi utzi du kanpaina berraiaren helburua.gazteen arteko elkarlana sustatzea ez ezik, herriko beste eragile batzuekin lan egitea ere badela. Nahiz eta helburu nagusia hori izan, ez dute albo batera uzten lokal publiko eta autogestionatu baten beharra. Izan ere, gaur egungo egoerak eragin handia du gazteengan eta gaztetxe baten beharra nabarmena dela diote.Kanpainari apirilaren 13an emango diote amaiera, egun horretan gazte eguna egingo baitute.Aurten, aldarrikapen egun honi haize berria eman nahi diote. Horretarako,ekimena herriko beste eragileekin batera antolatuko dute.
[video:http://www.youtube.com/watch?v=NS8hkGvGd0c&feature=youtu.be]