"Ama, aurrera". Bel Pozuetak (Iruñea, 1965) BERRIAri kontatu zion "bertigoa" sentitu zuela EH Bilduko zerrendaburu izateko aukera eskaini ziotenean, baina, egun hartan espetxean Adur Ramirez de Alda semearekin elkartu zenean, hark zailtasun guztien gainetik aurrera egiteko animoa eta indarra eman zion. Lehen aldian ezinezkoa izan zen: 400 botorengatik gelditu zen Espainiako Kongresutik kanpo. Orain, ezinezkoa zirudiena egin du: iazko marka ona hobetu, eta 56.000 boto lortu ditu Nafarroan. Orain bai, "aurrera" egin du, semeak esan bezala.
Hain zuzen, Adur Ramirez de Alda Espainiako Auzitegi Nagusiak zigortutako gaztearen ama eta Altsasuko Gurasoak taldeko bozeramaile gisa egin zen ezagun Pozueta. "Injustiziaren aurka borrokatzen ikasi dut. Sufrimenduak borrokarako grina piztu dit", esan zuen bere hautagaitzaren aurkezpenean. Duintasunaren eta bidegabekerien kontrako erresistentziaren aurpegi bihurtu da urte hauetan.
Hala ere, Pozueta ez da politikan hasi berria. 1999ko Nafarroako Parlamenturako hauteskundeetan parte hartu zuen, Euskal Herritarrok koalizioaren zerrendako 31. postuan. 2003ko udal hauteskundeetan, berriz, Altsasuko Indarra plataformarekin egin zuen bat, eta 11. postuan aurkeztu zen. Altsasuko Gure Esku Dago egitasmoan era aktiboan parte hartu izan du, hango herri galdeketa antolatuz.
Soziologiako lizentziaduna da, eta masterra egin zuen Alcalako Unibertsitatean (Espainia). 1994 eta 2006 bitartean, Etxarri Aranazko Emakumeentzako Arreta Zentroko sexu hezitzaile lanetan aritu zen. Hezkidetzan eta sexologia klinikoan aditua da, gainera: Nafarroako eta Gipuzkoako hainbat ikastetxetan sexu heziketaz arduratu da, eta aholkulari eta aditu lanetan aritu da Eusko Jaurlaritzaren eta Nafarroako Gobernuaren hezkidetza programak ontzeko prozesuetan. Besteak beste, Skolae programaren diseinatzaileetako bat izan zen.
LAGUN AGURGARRIA:
Bisitatzen ari zaren webgune hau euskararen normalizazioaren alde Aiaraldea Ekintzen Faktoria proiektu berrituak garatzen duen tresnetako bat da.
Euskarazko hedabideak sortu eta eskualdean zabaltzeko gogor lan egiten dugu egunero-egunero langile zein boluntario talde handi batek.
Hedabide herritarra da gurea, eskualdeko herritarren ekarpen ekonomikoari esker bizi dena, jasotzen ditugun diru-laguntzak eta publizitatea ez baitira nahikoa proiektuak aurrera egin dezan.
Herritarra, anitza eta independentea den kazetaritza egiten dugu, eta egiten jarraitu nahi dugu. Baina horretarako, zure ekarpena ere ezinbestekoa zaigu. Hori dela eta, gure edukien hartzaile zaren horri eskatu nahi dizugu Aiaraldea Ekintzen Faktoriako bazkide egiteko, zure sustengua emateko, lanean jarraitu ahal izateko.
Bazkideek onura eta abantaila ugari dituzte gainera, beheko botoian klik eginda topatuko duzu informazio hori guztia.
Faktoria izan, egin zaitez bazkide.
Aiaraldea Hedabideko lantaldea.
Izan bazkide