Japonia eraso nuklearrak jaso izan dituen herri bakarra izan arren (1945eko abuztuaren 6an eta 9an AEBak Hiroshiman eta Nagasakin bonba atomikoak bota zituen), eta ezbehar naturalen aurrean prestaturiko herria den arren, ezin izan du Fukushimako zentralean istripu nuklear larria saihestu.
Garoñako zentral nuklearra, teknologia aldetik, Fukushimako zentralaren bikia dela esan daiteke, beraz gurean istripu nuklearra jasatearen kezka berpiztu du Japonen gertatzen ari denak.
Japonia eraso nuklearrak jaso izan dituen herri bakarra izan arren (1945eko abuztuaren 6an eta 9an AEBak Hiroshiman eta Nagasakin bonba atomikoak bota zituen), eta ezbehar naturalen aurrean prestaturiko herria den arren, ezin izan du Fukushimako zentralean istripu nuklear larria saihestu.
Garoñako zentral nuklearra, teknologia aldetik, Fukushimako zentralaren bikia dela esan daiteke, beraz gurean istripu nuklearra jasatearen kezka berpiztu du Japonen gertatzen ari denak.
Espainiar estatuko zentral nuklearrik zaharrena den honek (Francisco Franco diktadoreak inauguratu zuen 1971ean) PENBU izeneko larrialdietarako plana dauka. Plan honek 2 eremu sailkatzen ditu: lehenengo eremuak zentraletik 10km-ra dauden herriak barne hartzen ditu eta bigarrenak zentraletik 30km-ra daudenak. Urduña bigarren eremu honen barne dago eta Garoñako larrialdietarako planak, elikagaien, uraren eta animalien kontrolerako neurriak soilik hartzen ditu kontuan. 30km-tik harago daudenentzat, Gasteiz edo Bilbao adibidez, ez da inolako neurririk aurreikusten.
Espainiako gobernuak Garoñako itxiera 2013. urterako aurreikusi du, baina herritar, elkarte eta alderdi askok zentral nuklearrak bere jarduera lehen bait lehen utzi behar duela aldarrikatzen dute. Garoñaren itxiera eskatzeko manifestazioa egingo da gaur arratsaldeko 7etan Gasteizen.
LAGUN AGURGARRIA:
Bisitatzen ari zaren web-gune hau euskararen normalizazioaren alde Aiaraldea Ekintzen Faktoria proiektu berrituak garatzen duen tresnetako bat da.
Euskarazko hedabideak sortu eta eskualdean zabaltzeko gogor lan egiten dugu egunero-egunero langile zein boluntario talde handi batek.
Hedabide herritarra da gurea, eskualdeko herritarren ekarpen ekonomikoari esker bizi dena, jasotzen ditugun diru-laguntzak eta publizitatea ez baitira nahikoa proiektuak aurrera egin dezan.
Herritarra, anitza eta independentea den kazetaritza egiten dugu, eta egiten jarraitu nahi dugu. Baina horretarako, zure ekarpena ere ezinbestekoa zaigu. Hori dela eta, gure edukien hartzaile zaren horri eskatu nahi dizugu Aiaraldea Ekintzen Faktoriako bazkide egiteko, zure sustengua emateko, lanean jarraitu ahal izateko.
Bazkideek onura eta abantaila ugari dituzte gainera, beheko botoian klik eginda topatuko duzu informazio hori guztia.
Faktoria izan, egin zaitez bazkide.
Aiaraldea Hedabideko lantaldea.
Izan bazkide
