Gorputza, haragia eta arimanen gaineko hausnarketen ondorioz sortutiko arte obren erakusketa dugu ikusgai Urduñan datorren maiatzaren 25era bitartean.
Erakusketa honetan munduko herri ezberdinetako 70 artista baino gehiagok parte hartu dute. Sortzaileek beren ideiak arte hizkuntza anitzen bidez helarazten dizkigute: margoak, argazkiak, eskulturak, grabatuak, bideoak, e.a.
Aiaraldea.com-ek Massimiliano Tonelli antolatzailearekin hitzegiteko aukera izan du. Bere hitzetan 'Picassok Gernika margotu zuenetik, artean ez da gauza berririk egin, ez da obra miresgarririk sortu. Baina badira, merkatutik kanpo, artearen hiltzera aurre egiten dioten artistak'. Erakusketa honen helburua hiritarrengan kritika eta gogoeta sustatzea da.
Erakusketa hau Euskal Herriko beste herri askotan izan dute ikusgai pasaden urteko apirilaz geroztik, eta hurrengo hiletan espainiar estatuko hainbat lurraldeetara eta atzerrira ere eramango dute. Urduñan, erakusketa ibiltaria osatzen duten hainbat obra ikusteko aukera dugu.
LAGUN AGURGARRIA:
Bisitatzen ari zaren webgune hau euskararen normalizazioaren alde Aiaraldea Ekintzen Faktoria proiektu berrituak garatzen duen tresnetako bat da.
Euskarazko hedabideak sortu eta eskualdean zabaltzeko gogor lan egiten dugu egunero-egunero langile zein boluntario talde handi batek.
Hedabide herritarra da gurea, eskualdeko herritarren ekarpen ekonomikoari esker bizi dena, jasotzen ditugun diru-laguntzak eta publizitatea ez baitira nahikoa proiektuak aurrera egin dezan.
Herritarra, anitza eta independentea den kazetaritza egiten dugu, eta egiten jarraitu nahi dugu. Baina horretarako, zure ekarpena ere ezinbestekoa zaigu. Hori dela eta, gure edukien hartzaile zaren horri eskatu nahi dizugu Aiaraldea Ekintzen Faktoriako bazkide egiteko, zure sustengua emateko, lanean jarraitu ahal izateko.
Bazkideek onura eta abantaila ugari dituzte gainera, beheko botoian klik eginda topatuko duzu informazio hori guztia.
Faktoria izan, egin zaitez bazkide.
Aiaraldea Hedabideko lantaldea.
Izan bazkide
