Agintaldiaren erdialdera iritsi gara. Hasieran, “aldaketaren Gobernua” agindu zuen, baina, azkenean, ikusi da haren aldekoek norabidea eta Gobernuaren beraren osaera aldatu zutela. Bi urte geroago, Aiarak norabide argirik gabe jarraitzen du, eta berandu iristen diren edo iristen ez diren erabaki gehiegirekin.
Egoera honen aurrean, EAJ-PNVk izpiritu sendo eta eraikitzailea mantendu du. Etengabeko zaintza-lana egin dugu, Gobernu-taldeak bere betebeharrak bete ditzan eskatuz eta atzerapenak, aurreikuspen falta eta udal-araudiaren urraketak salatuz. Aldi berean, politika egiteko beste modu bat posible dela erakutsi dugu. Proposamen erabilgarri eta errealak jarri ditugu mahai gainean: 2017an martxan jarri genuen artilea biltzeko zerbitzua berraktibatzea, Barrenaren ingurua biziberritzeko alternatibak, etxebizitzaren arazoari aurre egiteko ekimenak eta diru-laguntzen sistema, zerbitzuak eta ehun sozial, kultural eta ekonomikoaren babesa hobetzeko planteamenduak, gure administrazio batzarrak barne. Proposamen gehien aurkezten dituen eta Udaleko gaietan lan gehien egiten duen alderdia gara.
Horrela jarraituko dugu: erantzukizunez, elkarrizketaz eta konpromisoz. Gure helburua argia da: aurrera egingo duen Aiara eraikitzea, bere jendea entzungo duena eta gaur egun galtzen ari diren aukerak aprobetxatuko dituena.