Gentza Alamillo

Lekukotik lekukora

Gentza Alamillo 2019-04-09 11:00   Iritzia  Aiara

Gozatu eta gogoangarri bihur ditzagun Aiarako jaiak!

Gentza Alamillo 2018-08-01 14:10   Iritzia  Aiara

Korrikako lekukoen segida:"Erronka ederra"

Gentza Alamillo 2017-03-25 13:10   Iritzia

Apirilaren 7an igaroko da Korrika Arespalditzatik. Udalak urteak daramatza euskararen ezagutza eta erabilera indartzeko ahaleginetan, Aiarako zein eskualdeko hainbat entitaterekin elkarlanean. Badakigu: epe luzeko ibilbidea da, euskarak merezi duen presentzia izan artekoa.

Asko gara Aiaran zein eskualdean hizkuntzaren gizarte erabilera sustraitzeko ahaleginetan ari garenak: eskolak, euskaltegiak, elkarteak, udalak... Horietako bakoitzaren lana beharrezkoa eta ordezkaezina da aurrera egiteko. Aiarako Udalak abian ditu euskara ikasteko diru-laguntzak, Berbalagun edo Gurasolagun programak, ludoteka, ekaineko haurren egonaldia, uztaileko jolas txokoak eta abar. Halaber, geroz eta gehiago dira jaietan euskaraz antolatzen diren ekintzak.

Jakitun gara urrats kualitatibo handiak eman behar direnaz. Hauspoa eman behar diogu egunerokoan euskararen ezagutzari. Pertsona, familia, talde edo erakunde bakoitzak bere egitekoa du arlo horretan. Aiarako Udalak herritar ororen laguntza eskatzen eta eskertzen du; aurrerantzean ere denon artean ekin diezaiogun guztion mesederako izango den erronka eder honi.