[IRITZIA] Lizarratik Durangora

Erabiltzailearen aurpegia Iratxe Letona 2019ko urr. 7a, 07:00

Asteburuan egin dira Lizarran Neska* gazteen topaketak. / Topatu.eus

Euskal Herriko hainbat txokotatik etorritako neska* gazteak bildu izan gara urriaren 4an eta 5ean Lizarrako karriketan; saretu, hausnartu, eztabaidatu eta formatzeko, V. jardunaldi feministetara ahots propioz joateko asmoz.

Lehenengo arratsaldean, neska* gazte taldeen diagnostikoarekin batera, aurrera begirako gure norabide eta erronkak zehazten hasi ginen. Ostean, gure genealogiari erreparatzeko tartea ere izan genuen, aurreko belaunaldietako militanteekin batera esperientziak konpartituta.

Larunbatean, aldiz, autodefentsa feministaren inguruan ibili ginen solasean eta honekin batera amaitu genuen lantaldekako dinamika, hitzaldiei hasiera emateko. Feminismo dekoloniala, ekofeminismoa, euskal langile andreak, bollera izatea Euskal Herrian eta abar luze batez aritzeaz gain, autodefentsa feministarako tresnak sortzeko aukera ere izan genuen.

Baina hau guztia ez da Lizarran amaitzen. Orain, herrietan lanean jarraitzea dagokigu. Autodefentsa feminista armatzat, erronka berriei eustera goaz.

“Ezinezkoa zela esan ziguten, baina berandu. Askatasuna, ametsa ezin zela izan aspaldi ikasi genuen”.

Iritzia Laudio

LAGUN AGURGARRIA:

Bisitatzen ari zaren webgune hau euskararen normalizazioaren alde Aiaraldea Ekintzen Faktoria proiektu berrituak garatzen duen tresnetako bat da.

Euskarazko hedabideak sortu eta eskualdean zabaltzeko gogor lan egiten dugu egunero-egunero langile zein boluntario talde handi batek.

Hedabide herritarra da gurea, eskualdeko herritarren ekarpen ekonomikoari esker bizi dena, jasotzen ditugun diru-laguntzak eta publizitatea ez baitira nahikoa proiektuak aurrera egin dezan.

Herritarra, anitza eta independentea den kazetaritza egiten dugu, eta egiten jarraitu nahi dugu. Baina horretarako, zure ekarpena ere ezinbestekoa zaigu. Hori dela eta, gure edukien hartzaile zaren horri eskatu nahi dizugu Aiaraldea Ekintzen Faktoriako bazkide egiteko, zure sustengua emateko, lanean jarraitu ahal izateko.

Bazkideek onura eta abantaila ugari dituzte gainera, beheko botoian klik eginda topatuko duzu informazio hori guztia.

Faktoria izan, egin zaitez bazkide.

Aiaraldea Hedabideko lantaldea.


Izan bazkide