Gaur goizean plazaratu du Bilboko Epaitegiak Iñaki Montesen aurkako epaiketaren sententzia. Absolbitu egin dute JEZeko langilea. Beste bi gazterekin batera epaitu zuten Montes iragan astean, 2014ko martxoaren 3an FMIren ordezkariak Bilbora joan zirenean egon ziren istiluetan parte hartzea egotzita. Gazte horietako bat absolbitu egin dute baita, eta besteari 6 hilabeteko isuna ezarri diote, “autoritatearekiko erresistentzia” leporatuta. Bost urteko kartzela zigorra eta 214.500 euroko kalte ordainak eskatzen zizkioten Montesi.
Sententziak ebazten du kontraesanak eman zirela ertzainen arteko deklarazioetan, Montesen adierazi duenez. “Ertzainek topatu zituzten lehen pertsonak atxilotu zituztela ere aitortzen du epaileak”.
“Betiko muntai poliziala”
JEZeko langilea pozik azaldu da sententziarekin, baina azpimarratu du hiru urtez izan dutela epaiketaren zain, eta gaineratu du auziaren atzean “betiko muntai poliziala” dagoela, “ertzainek euren aurpegia garbitzeko eginikoa”.
Absolbitu egin dute Iñaki Montes
Berarekin epaitutako gazteetako bati 6 hilabeteko isuna ezarri diote, “autoritatearekiko erresistentzia” leporatuta
Erlazionatuak
LAGUN AGURGARRIA:
Bisitatzen ari zaren webgune hau euskararen normalizazioaren alde Aiaraldea Ekintzen Faktoria proiektu berrituak garatzen duen tresnetako bat da.
Euskarazko hedabideak sortu eta eskualdean zabaltzeko gogor lan egiten dugu egunero-egunero langile zein boluntario talde handi batek.
Hedabide herritarra da gurea, eskualdeko herritarren ekarpen ekonomikoari esker bizi dena, jasotzen ditugun diru-laguntzak eta publizitatea ez baitira nahikoa proiektuak aurrera egin dezan.
Herritarra, anitza eta independentea den kazetaritza egiten dugu, eta egiten jarraitu nahi dugu. Baina horretarako, zure ekarpena ere ezinbestekoa zaigu. Hori dela eta, gure edukien hartzaile zaren horri eskatu nahi dizugu Aiaraldea Ekintzen Faktoriako bazkide egiteko, zure sustengua emateko, lanean jarraitu ahal izateko.
Bazkideek onura eta abantaila ugari dituzte gainera, beheko botoian klik eginda topatuko duzu informazio hori guztia.
Faktoria izan, egin zaitez bazkide.
Aiaraldea Hedabideko lantaldea.
Izan bazkide