Ikerketa diligentziak ireki ditu Arabako Pronbitzia-Fiskaltzak, Latiorroko Ikastetxean dagoen amiantoaren atzean “ingurugiroaren edota osasun publikoaren aurkako deliturik” dagoen ebazteko.
Oskar Benitok jarritako salaketa bat dela eta ireki du fiskaltzak ikerketa. Latiorroko Ikastetxeko guraso bat da Benito, eta hilabeteak daramatza Latiorroko Ikastetxean amiantoa dagoela salatzen.
Fiskaltzari helarazitako idazkian gurasoak adierazten du ikastetxeko uralitazko sabaiak “nabarmen hondatuak” daudela. Hori dela eta, lege hauste bat ematen ari dela uste du Benitok, “minbizia eragiten duen material hori ikastetxean jarraitzen duelako, bere balio-bizitza aspaldi gainditu zuen arren”. Hori hala den edo ez ikertuko du fiskaltzak.
Musikaria da Oskar Benito eta abesti bat konposatu du ikastetxeko egoera salatzeko:
CCOOren adierazpena
CCOOk ere salatu du amiantoaren presentzia. Sindikatuak adierazi du Latiorro eta Gregorio Marañon Ikastetxeetan dauden fibrozementuzko plakek “amiantozko fibrak” askatu ahal ditzutela, “are gehiago kolperen bat edo manipulazio desegokiren bat jasaten badute”. Hori dela eta, herriko ikastetxeetako amiantoa kentzeko eskatu dio Laudioko Udalari Alfonso Riosek (Langile Komisioetako Euskadiko Lan-osasun arduraduna).
Udalak, bere aldetik, urte hasieran adierazi zuen material horietako batzuk udan kenduko dituela.