Juan Ramon Martin Menoyok uko egin dio Espainiako Enbaxadako lanpostuari, Kanpoko Zerbitzuko egoera salatzeko

Erredakzioa 2017ko ekainaren 22a

Juan Ramon Menoyo iazko gose greban.

Laudioarrak 32 eguneko gose greba egin zuen iaz salatzeko Espainiako Kanpoko Zerbitzuan langileen eskubideak ez direla errespetatzen. Egoerak hobera egin ez duenez, Riaden daukan lana lagako du.

Juan Ramon Martin Menoyok uko egin dio bere lanpostuari Espainiako Enbaxadan. Bulego komertziala utziko du ekainaren 27an eta, bide batez, azaldu du erabaki hori hartu duela langileen eskubideak ez direlako bermatzen.

Besteak beste, laudioarrak argitu du duela 8 urte izoztu zituztela soldatak Kanpoko Zerbitzuan, prekarietatea oso handia dela, tratua ez dela egokia langileei dagokionez eta aro demokratikoaren ia 40 urteetan ez direla hauteskunde sindikalak egin.

Zentzu horretan, Espainiako Kanpo Zerbitzua kaotikoa dela eta zaharkitua geratu dela salatu du. Hori guztia dela medio, Juan Ramon Martin Menoyok uko egin die Saudi Arabian dituen ardurei.

Jendartea Laudio

Erlazionatuak

Juan Ramon Martin Menoyok bukatu du 32 eguneko gose greba

Erredakzioa 2016 eka 08 Laudio

LAGUN AGURGARRIA:

Bisitatzen ari zaren webgune hau euskararen normalizazioaren alde Aiaraldea Ekintzen Faktoria proiektu berrituak garatzen duen tresnetako bat da.

Euskarazko hedabideak sortu eta eskualdean zabaltzeko gogor lan egiten dugu egunero-egunero langile zein boluntario talde handi batek.

Hedabide herritarra da gurea, eskualdeko herritarren ekarpen ekonomikoari esker bizi dena, jasotzen ditugun diru-laguntzak eta publizitatea ez baitira nahikoa proiektuak aurrera egin dezan.

Herritarra, anitza eta independentea den kazetaritza egiten dugu, eta egiten jarraitu nahi dugu. Baina horretarako, zure ekarpena ere ezinbestekoa zaigu. Hori dela eta, gure edukien hartzaile zaren horri eskatu nahi dizugu Aiaraldea Ekintzen Faktoriako bazkide egiteko, zure sustengua emateko, lanean jarraitu ahal izateko.

Bazkideek onura eta abantaila ugari dituzte gainera, beheko botoian klik eginda topatuko duzu informazio hori guztia.

Faktoria izan, egin zaitez bazkide.

Aiaraldea Hedabideko lantaldea.

Izan bazkide