aiaraldea.eus

Amiantozko hainbat elementu kenduko dituzte udan Latiorro eta Fabian Legorburu ikastetxeetan

Erabiltzailearen aurpegia Erredakzioa   Politika  Laudio

Udazkenean, aldiz, San Martineko futbol zelaietako eraikinetan dagoen fibrozementua kenduko dute.

Amiantozko hainbat elementu kenduko dituzte udan Latiorro eta Fabian Legorburu ikastetxeetan
Latiorroko Ikastetxeko uralitazko hainbat plaka erretiratuko dute. / Juanjo Basterra | Ikusi handiago | Argazki originala

Laudioko Udalak jakinarazi duenez amiantozko hainbat elementu kenduko dute udan Fabian Legorburu eta Latiorro ikastetxeetatik. Latiorroko Ikastetxetik uralitazko hainbat plaka erretiratuko dute, eskolako pasabide batean teilatu funtzioa egiten dutenak. Aretako Fabian Legorburutik, aldiz, fibrozementuzko zutoinak baztertuko dituzte. 26.930 euroko aurrekontua baliatuko dute lehen lana egiteko , eta 25.000 eurokoa bigarrena gauzatzeko.

Amets Meazak adierazi du bilera bat egin dutela Eusko Jaurlaritzarekin eta diru-laguntza jasoko dutela obrak finantzatzen laguntzeko. Zinegotziaren esanetan, udalak amiantoaren gaineko beste ekimen batzuk egin izan ditu: Laudioko Kultur Etxeko zeramika tailerrean zegoen labea bota zuten, material kantzerigeno hori zuelako. Hortaz gain, laginak hartu dituzte herriko hainbat hezkuntza zentroetan. “Udazkenean kenduko dugu San Martineko futbol zelaietako eraikinetan dagoen fibrozementua”, gaineratu du Meazak.

Erantzun

Erantzuteko, izena emanda egon behar duzu. Sartu komunitatera!

»» Alta eman edo pasahitza berreskuratu


Twitter ikonoa Facebook ikonoa