EAJk ez du parte hartuko Tokiko Gobernu Batzordean abuztuan, sortutako egoerari buruz hausnartzeko

Erredakzioa 2017ko abuztuaren 10a

Laudioko EAJko udal taldea. / aiaraldea.eus

Laudioko jeltzaleek oharra zabaldu dute iragartzeko hurrengo Tokiko Gobernu Batzordeko deialdietan ez direla egongo. Juanma Ibarretxek azaldu du aste batzuk hartuko dituztela euren jarrera eztabaidatzeko.

EAJk abuztua baliatuko du erabakitzeko zer egingo duen Tokiko Gobernu Batzordean. Alderdiko bozeramailea den Juanma Ibarretxek argitu du jeltzaleek ez dutela eztabaidatu nahi Omniaren kanporaketaren inguruan.

Berez, Ibarretxek nabarmendu du legealdi hasieran adostu zutela Tokiko Gobernu Batzordearen osaketa orekatua izango zela; 2 kide alderdi bakoitzeko (EH Bildu, EAJ, Omnia), alegia.

Orain, ordea, EH Bilduko bi ordezkarik hartuko dute Omniakoen lekua, eta egoera berria aztertu nahi dute jeltzaleek, abuztua profitatuta. Izan ere, Ibarretxek azpimarratu du hilabete honetan ez direla gai pisutsuak eztabaidatzen batzordean, eta horrek aukera emango diela ganoraz erabakitzeko batzordean jarraituko duten.

Politika Laudio

Erlazionatuak

Omniako bi kideak bota ditu Tokiko Gobernu Batzordetik EH Bilduk, irainak eta "joko zikina" leporatuta

Erredakzioa 2017 uzt 28 Laudio

LAGUN AGURGARRIA:

Bisitatzen ari zaren webgune hau euskararen normalizazioaren alde Aiaraldea Ekintzen Faktoria proiektu berrituak garatzen duen tresnetako bat da.

Euskarazko hedabideak sortu eta eskualdean zabaltzeko gogor lan egiten dugu egunero-egunero langile zein boluntario talde handi batek.

Hedabide herritarra da gurea, eskualdeko herritarren ekarpen ekonomikoari esker bizi dena, jasotzen ditugun diru-laguntzak eta publizitatea ez baitira nahikoa proiektuak aurrera egin dezan.

Herritarra, anitza eta independentea den kazetaritza egiten dugu, eta egiten jarraitu nahi dugu. Baina horretarako, zure ekarpena ere ezinbestekoa zaigu. Hori dela eta, gure edukien hartzaile zaren horri eskatu nahi dizugu Aiaraldea Ekintzen Faktoriako bazkide egiteko, zure sustengua emateko, lanean jarraitu ahal izateko.

Bazkideek onura eta abantaila ugari dituzte gainera, beheko botoian klik eginda topatuko duzu informazio hori guztia.

Faktoria izan, egin zaitez bazkide.

Aiaraldea Hedabideko lantaldea.

Izan bazkide