Kultura eta jatorri anitzeko lagunak elkartuko ditu gaztetxeko bazkariak

Erredakzioa 2017ko azaroaren 8a
Deskargatu Info Ahotsak :

Jatorri eta kultura ezberdinetako bizilagunek elkarrekin bazkaltzean datza ekimenaren funtsa.

Bizilagunak ekimenarekin bat egin eta jatorri eta kultura ugariren arteko bazkaria antolatuko du Laudioko Gazte Asanbladak datorren azaroaren 19an.

CEAR-Euskadik abiatutako ekimena da "Bizilagunak". Errefuxiatuei laguntza eskaintzen dien batzordea da CEAR eta zurrumurru xenofoboen kontrako eta kulturen arteko elkarbizitza sustatzeko egitasmoa da.

Bertan, mahai beraren bueltan jatorri eta kultura ezberdinetako lagunak eseriko dituzte azaroaren 19an Arabako etxeetan antolatuko dituzten bazkarietan. Iaz 39 herrialdetako ia 800 pertsona batu zituen ekimenak Araban.

Laudioko Gazte Asanbladak ere ekimenean parte hartuko du. Kultura anitzeko kideekin batera bizipenak partekatzeko aukera zabalduko da bazkarian. Bazkaria azaroaren 19an ospatuko dute, 14:30ean.

Plaza mugatuak daude. Izen-emateko zerrenda Keska tabernan utziko dute eskuragarri eta azaroaren 9an bukatuko da epea. Laudioko Gazte Asanbladaren helbide elektronikora (laudiokogazteasanblada@gmail.com) mezu bat igorrita ere egin daiteke izen-ematea.

 

Jendartea Laudio
Erlazionatuak
Bizilagunak 2017 ekimenean izena emateko epea ireki dute
Bizilagunak 2017 ekimenean izena emateko epea ireki dute

Erredakzioa 2017 urr 24 Aiaraldea

LAGUN AGURGARRIA:

Bisitatzen ari zaren webgune hau euskararen normalizazioaren alde Aiaraldea Ekintzen Faktoria proiektu berrituak garatzen duen tresnetako bat da.

Euskarazko hedabideak sortu eta eskualdean zabaltzeko gogor lan egiten dugu egunero-egunero langile zein boluntario talde handi batek.

Hedabide herritarra da gurea, eskualdeko herritarren ekarpen ekonomikoari esker bizi dena, jasotzen ditugun diru-laguntzak eta publizitatea ez baitira nahikoa proiektuak aurrera egin dezan.

Herritarra, anitza eta independentea den kazetaritza egiten dugu, eta egiten jarraitu nahi dugu. Baina horretarako, zure ekarpena ere ezinbestekoa zaigu. Hori dela eta, gure edukien hartzaile zaren horri eskatu nahi dizugu Aiaraldea Ekintzen Faktoriako bazkide egiteko, zure sustengua emateko, lanean jarraitu ahal izateko.

Bazkideek onura eta abantaila ugari dituzte gainera, beheko botoian klik eginda topatuko duzu informazio hori guztia.

Faktoria izan, egin zaitez bazkide.

Aiaraldea Hedabideko lantaldea.


Izan bazkide