Feminismoz kargatu zituzten arkatzak Ikasle Egunean

Erredakzioa 2017ko azaroaren 28a
Deskargatu Info Ahotsak :

Aiaraldeko Ikasle Egun feminista antolatu zuten Ikasle Abertzaleek larunbatean. Eskualdeko dozenaka ikasle bertaratu ziren Laudioko Gaztetxera, egun osoko egitarauan parte hartzera.

Goizetik hasita, egitarau oparoa antolatu zuten. Hezkuntza eta feminismoaren gaineko mahainguru batekin ekin zioten egunari, bertan ikasle zein irakasleek euren iritziak konpartitu zituzten.

Egunak aurrera egin ahala herriko kaleak girotu eta bazkaria antolatu zuten Gaztetxean. Bazkalosteko jokoen ostean genero zapalkuntzari buruzko hitzaldia egin zuten.

Iluntzean herriko kaleak hartu zituen "Erasoen aurrean autodefentsa feminista" lelopean antolaturiko manifestazioak. Bertso-saio eta kontzertuekin batera bukatu zuten eguna.

Politika Laudio

LAGUN AGURGARRIA:

Bisitatzen ari zaren webgune hau euskararen normalizazioaren alde Aiaraldea Ekintzen Faktoria proiektu berrituak garatzen duen tresnetako bat da.

Euskarazko hedabideak sortu eta eskualdean zabaltzeko gogor lan egiten dugu egunero-egunero langile zein boluntario talde handi batek.

Hedabide herritarra da gurea, eskualdeko herritarren ekarpen ekonomikoari esker bizi dena, jasotzen ditugun diru-laguntzak eta publizitatea ez baitira nahikoa proiektuak aurrera egin dezan.

Herritarra, anitza eta independentea den kazetaritza egiten dugu, eta egiten jarraitu nahi dugu. Baina horretarako, zure ekarpena ere ezinbestekoa zaigu. Hori dela eta, gure edukien hartzaile zaren horri eskatu nahi dizugu Aiaraldea Ekintzen Faktoriako bazkide egiteko, zure sustengua emateko, lanean jarraitu ahal izateko.

Bazkideek onura eta abantaila ugari dituzte gainera, beheko botoian klik eginda topatuko duzu informazio hori guztia.

Faktoria izan, egin zaitez bazkide.

Aiaraldea Hedabideko lantaldea.


Izan bazkide