Maiatzaren 6an izango da, Aiaraldea Bat elkarteak deituta, erabakitze eskubidearen inguruko herri galdeketa. Egunotan ari dira herriz herri bilera irekiak egiten, galdera denen artean zehazte aldera. Kepa Barañanok adierazi duenez, bien bitartean beste hainbat ekitaldi prestatu dituzte.
Horien artean daude sektoreka aktibatu dituzten herritarren bilerak; edota ekimenari babesa emateko abiatu duten atxikimendu bilketa.
Otsailaren 3a, elkargune
Otsailaren 3an egingo dute hurrengo agerraldi publikoa. Herriko zenbait gazte ari dira antolatzen ekitaldia. Era horretan nahi dute batzea aldarrira aurpegi eta ahots berriak.
Zentzu horretan, 12:30ean elkartuko dira Aldai plazan, Gure Esku Dagoko azokako postuaren aldamenean.
Hala, datorren larunbatean, adierazpena irakurtzearekin batera egingo dute ekimenari atxikimendua emateko herri argazkia.
"Gazteen hurrengo geltokia, erabakia"
Ildo beretik, gazteek ekitaldi propioa egingo dute azokaren testuinguruan, eta ondoren gauzatuko dute euren argazkia, tren geltokira kalejiran bertaratuta. Izan ere, "Hurrengo geltokia, erabakia" izateko desira nahi dute plazaratu.
Halaber, euskalgintza eta kultur eremua ere nahi dute aktibatzea. Horregatik adostu dute nazio eskubidearen eztabaida erdigunean jartzeko manifestua:
